កុមារ​ដែលអាច​និយាយបានយ៉ាងល្អនោះ គឺគេ​មាន​អារម្មណ៍​ថា​មាន​ទំនុក​ចិត្ត​ទាំង​នៅ​ក្នុង​ថ្នាក់រៀន ​និង​នៅ​ខាងក្រៅ​។ អ្នក​អាច​លើក​ទឹក​ចិត្តឲ្យកូន​របស់​អ្នក​មាន​អារម្មណ៍ថាមានផាសុកភាពក្នុងការនិយាយ ទោះបីក្នុង​ស្ថានភាព និង​ប្រភេទ​មនុស្ស​ផ្សេងៗ​គ្នា​ក៏ដោយ។

(អាន:ថ្នាំងងុយគេង ពេលអ្នកគួរប្រើ)

អ្នកត្រូវឲ្យកូនអ្នកអនុវត្តន៍ការ​និយាយ​នៅ​ផ្ទះឲ្យបានច្រើនតាម​វិធី​ខាងក្រោម​នេះ​ ៖

អ្នកត្រូវក្លាយជាអ្នក​ចូលចិត្ត​ស្តាប់
នៅពេល​ដែល​កូន​របស់​អ្នក​បាន​ប្រាប់​អ្នក​អំពីរឿងរ៉ាវប្រចាំ​ថ្ងៃ​របស់គេនោះ អ្នកត្រូវ​ដាក់​ទូរស័ព្ទ​ចុះ ឬ​បញ្ឈប់​ការ​ធ្វើ​អាហារ​ពេល​ល្ងាច​ ហើយ​យក​ចិត្ត​ទុក​ដាក់​ស្ដាប់កូនអ្នក​។ ប្រសិន​បើកូនអ្នក​មាន​អារម្មណ៍​ថាគេបាននិយាយបានពាក់​ក​ណ្តា​លហើយនោះ គេ​នឹង​មាន​ភាព​ងាយ​ស្រួល​ដើម្បីនិយាយបន្ដទៀតរហូតចប់​។

(អាន:ថ្នាំងងុយគេង ពេលអ្នកគួរប្រើ)

ការនិយាយដោយប្រើ​វេយ្យាករណ៍ ​និង​ភាសា​ឲ្យបាន​ល្អ
អ្នកមិនត្រូវនិយាយចុះឡើងៗដោយគ្មានចុងជួនច្បាស់លាស់នោះទេ​នៅ​ពេល​ដែល​អ្នក​និយាយ​ជាមួយ​កូន​របស់​អ្នក ព្រោះកុមារចូលចិត្ត​ចម្លង​តាមហើយ​នឹងធ្វើ​តម្រាប់តាម​អ្វី​ដែល​អ្នក​និយាយ ដូច្នេះអ្នកត្រូវទម្លាប់និយាយដោយប្រើ​វេយ្យាករណ៍ ​និង​ភាសា​ឲ្យបាន​ល្អឲ្យបានល្អ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ការកែប្រែ​កំហុសនៃការបន្លឺសូរសព្ទ ​និងវេយ្យាករណ៍ឲ្យបានត្រឹមត្រូវ
ប្រសិនបើ​កូន​របស់​អ្នកមាន​កំហុសនៃការបន្លឺសូរសព្ទនៃពាក្យ​ ឬក្នុងការ​បញ្ចេញ​មតិ​មួយ​ចំនួន​ផ្សេង​ទៀត អ្នកគ្រាន់កែប្រែឲ្យបាន​ត្រឹមត្រូវ ហើយនិយាយប្រាប់កូនអ្នកនូវ​ឃ្លា​ដែលត្រឹមត្រូវ​។

ការជួយបង្កើនការយល់ដឹងនូវពាក្យ
អ្នកអាចប្រើប្រាស់វិធីសាមញ្ញ​បំផុត​ក្នុង​ការ​ពិពណ៌នា​វត្ថុតែមួយដោយ​ប្រើ​ពាក្យ​ផ្សេង​គ្នាតាមដែលអាចធ្វើ​បាន។

ការសួរ​សំណួរ​បើកចំហ​រ
ប្រសិន​បើ​អ្នក​សួរ​កូន​របស់​អ្នកថា “តើកូនមានភាពរីករាយ​នៅ​សាលា​ឬទេថ្ងៃ​នេះ​?​” អ្នកនឹងទទួល​ចម្លើយត្រឹមតែមួយ​ពាក្យ​។ ប៉ុន្តែ​ប្រសិន​បើ​អ្នក​សួរ​ថា​តើកូនបានធ្វើ​អ្វីខ្លះ​បន្ទាប់​ពី​ការ​សម្រាក​នៅ​ថ្ងៃ​នេះ​? ” អ្នក​នឹងទទួលបានការពិពណ៌នា​អំពី​អ្វី​ដែល​បាន​កើតឡើង​។

ការលើកទឹកចិត្តឲ្យកូនអាន​ខ្លាំងៗ
នៅពេលដែលកូន​អ្នកកំពុងអាន​សៀវភៅ ចូរ​អ្នកចំណាយ​ពេល​វេលាអានជាមួយកូនអ្នក​​ជា​រៀង​រាល់​ថ្ងៃ​៕