ការ​មាន​ផ្ទៃពោះ គឺជាពេលវេលាដ៏លំបាកមួយរបស់ស្រ្តី ដើម្បីទ្រទ្រង់​ការរស់​រានមានជីវិតរបស់ខ្លួនឯង និងទារកក្នុងផ្ទៃ​។ ការពរពោះកាន់តែធំធ្វើឲ្យអ្នក​ម្តាយ​ឆាប់ហត់ និង​ត្រូវការការ​គេង​ច្រើនជាងមុន​។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ការ​មាន​ផ្ទៃពោះបាន​ផ្លាស់​ប្តូ​រ​មុខងារ​រាងកាយដែលធ្វើឲ្យស្ត្រីមាន​ការ​លំបាក​ក្នុង​ការគេង​យប់ផងដែរ​។ អ្នកត្រូវយល់ដឹង​ពី​ការ​ផ្លាស់​ប្តូ​រ​ផ្សេងៗ​គ្នាដែលបាន​កើត​ឡើង​នៅ​ក្នុង​អំឡុង​ពេល​មាន​ផ្ទៃពោះ​ ដើម្បី​កំណត់ការ​គេងឲ្យមានភាព​ប្រសើរឡើងនោះ​។

(អាន:ថ្នាំងងុយគេង ពេលអ្នកគួរប្រើ)

នៅត្រីមាសដំបូង ស្ត្រីមានផ្ទៃពោះគួរគេងបែបណា ទើបល្អ?

តើនឹង​មាន​អ្វី​កើត​ឡើង​?

ការ​កើនឡើង​នៃ​អ័រ​ម៉ូ​ន​ប្រូ​ហ្សេ​ស្តេ​រ៉ូ​នក្នុងអំឡុងពេល​មាន​ផ្ទៃពោះ​ និង​អំប្រ៊ីយ៉ុង​ដែល​កំពុងតែលូតលាស់​បានធ្វើឲ្យមានការសង្កត់​ចុះទៅលើ​ប្លោកនោម ដែលប​ណ្តា​លឲ្យអ្នកម៉ាក់​នោម​ញឹកញាប់​។

ភាព​តានតឹងនៃអារម្មណ៍ក៏បានកើតឡើងផងដែរ។ ​អ័រ​ម៉ូ​ន​ប្រូ​សេ​ស្តេ​រ៉ូ​នបានប​ណ្តា​លឲ្យមានការ​​កើន​ឡើងនៃការងងុយ​គេង​ ជា​ពិសេសនៅ​ពេល​ថ្ងៃ។

(អាន:ថ្នាំងងុយគេង ពេលអ្នកគួរប្រើ)

តើអ្នកម៉ាក់​ត្រូវ​ធ្វើដូចម្តេច?

អំឡុងពេលមានផ្ទៃពោះ ១២ ​ស​ប្តា​ហ៍ដំបូង អ្នកគួរគេងឲ្យបានគ្រប់គ្រាន់ ហើយអ្នកគួរគេង​ថ្ងៃផងដែរ។ អ្នកគួរញ៉ាំទឹកឲ្យបាន​ទៀងទាត់ ដើម្បី​រក្សា​សំណើម​ដល់​ស្បែក ​ប៉ុន្តែ​គួរ​តែបន្ថយមុន​ពេល​ចូល​គេង​។

ចូរជៀងវាងការប្រើ​ពន្លឺខ្លាំងពេក​នៅ​ពេលចូល​បន្ទប់​ទឹកនៅពេល​យប់ដែលវាអាចរំខាន​ដល់​វ​ដ្ត​នៃ​ការ​គេង ​និងធ្វើឲ្យខួរក្បាលនៅធ្វើការធម្មតា។ អ្នកត្រូវប្រើពន្លឺ​រាត្រីជំនួស​វិញ៕