យោងតាមការស្រាវជ្រាវថ្មីបំផុតបានឲ្យដឹងថា ការឡើងសម្ពាធឈាមនៅពេលចាស់ទៅ អាចព្យាករណ៍ពីការកើនឡើងនៃរោគសញ្ញានៃជំងឺវង្វេង។ អ្នកសិក្សាស្រាវជ្រាវបានមើលឃើញផងដែរ នូវការកើនឡើងហានិភ័យនៃបញ្ហាដំបៅខួរក្បាល។
ការសិក្សាថ្មីមួយបានមើលទៅលើអ្នកជំងឺលើសឈាម និងសុខភាពខួរក្បាលនៅពេលវ័យចំណាស់។
សម្ពាធឈាមខ្ពស់ ឬជំងឺលើសឈាម ត្រូវបានដឹងថាបានដាក់សម្ពាធលើមនុស្សទូទៅ ដែលនាំឲ្យមានជំងឺ។
អស់រយៈពេលជាច្រើនឆ្នាំមកហើយ វាកាន់តែច្បាស់ថា ការមានសម្ពាធឈាមខ្ពស់ជាងធម្មតាក្នុងរយៈពេលយូរអាចប៉ះពាល់ដល់ខួរក្បាល។
វាណ្តាលឲ្យមានការខូចខាតដល់ការចងចាំ ការយកចិត្តទុកដាក់ និងល្បឿននៃដំណើរការអ្វីមួយ … ជំងឺលើសឈាម បង្កបង្ករបញ្ហាជាច្រើនទៅលើខួរក្បាលនៅពេលអ្នកចាស់ទៅ។ វាក៏មានទំនាក់ទំនងទៅនឹងជំងឺវង្វេងផងដែរ។
មនុស្សជាង ១០០ លាននាក់នៅសហរដ្ឋអាមេរិកមានជំងឺលើសឈាម ហើយនៅទូទាំងពិភពលោក វាមានផលប៉ះពាល់ដល់មនុស្សពេញវ័យជិត ១ ភាគ ៣ ។
ដោយយោងទៅលើទំហំនៃប្រជាជនដែលទទួលរងផលប៉ះពាល់ ការយល់ដឹងពីហានិភ័យដែលទាក់ទងនឹងការកើនឡើងសម្ពាធឈាម គឺសំខាន់បំផុត៕