ស្នាមខ្មៅនៅក្រោមភ្នែក លែងជាបញ្ហាទៀតហើយ

ប្រសិនបើអ្នកគេងគ្រប់គ្រាន់ហើយនៅតែមានស្នាមខ្មៅនៅក្រោមភ្នែក នោះវាមិនមែនជារឿងធម្មតាទេ។

ការអស់កម្លាំងមិនមែនជាហេតុផលតែមួយគត់ ដែលបង្កស្នាមខ្មៅនៅក្រោមភ្នែកនោះទេ។ ពេលខ្លះ វាលេចឡើងជាស្រមោលខ្មៅៗ នៅក្រោមត្របកភ្នែក ឬប្រហោងនៅក្រោមភ្នែក ដែលវាគឺជាផ្នែកធម្មតានៃវ័យចំណាស់។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) 

ស្នាមខ្មៅនៅក្រោមភ្នែក ដែលមានកម្រិតស្រាលទៅមធ្យមអាចព្យាបាលដោយវិធីសាមញ្ញៗមួយចំនួនដូចជា ៖

• ប្រើកន្សែងត្រជាក់ កាកកាហ្វេ ថត់តែ ឬថង់ស្អំទឹកកក រុំក្នុងក្រណាត់ទន់ៗស្អំក្រោមភ្នែក ដើម្បីកាត់បន្ថយការរីកសរសៃឈាមនៅក្រោមភ្នែក និងការប្ដូរពណ៌ស្បែកជាបណ្តោះអាសន្ន។

(អាន:ថ្នាំងងុយគេង ពេលអ្នកគួរប្រើ)

• លើកក្បាលឲ្យបានខ្ពស់នៅពេលគេង ដោយដាក់ខ្នើយពីរ ឬច្រើនដើម្បីទប់ស្កាត់ការហើមក្រោមភ្នែក នៅពេលដែលមានទឹកនៅត្របកភ្នែកផ្នែកខាងក្រោម។

• ចូរគេងបន្ថែមទៀត ព្រោះថាការគេងមិនគ្រប់គ្រាន់ អាចធ្វើឲ្យអ្នកមើលទៅស្លេកស្លាំង ហើយប្រហោងភ្នែកកាន់តែច្រើន ដូច្នេះស្រមោល និងរង្វង់ភ្នែករបស់អ្នកនឹងមើលទៅកាន់តែច្បាស់ជាងមុន៕