នៅពេលស្ត្រីមានផ្ទៃពោះ ការទទួលទានគ្រឿងស្រវឹង វាអាចឆ្លងកាត់សុក ហើយអាចទៅដល់ទារកតាមរយៈចរន្តឈាម។ វាមានន័យថា ការទទួលទានគ្រឿងស្រវឹងក្នុងអំឡុងពេលមានផ្ទៃពោះ គឺមិនមានសុវត្ថិភាព ជាពិសេស ការទទួលទានគ្រឿងស្រវឹងចាប់ពី ៥ កែវ ឬច្រើនជាងនេះ ដែលវាអាចធ្វើឲ្យបង្កផលប៉ះពាល់យ៉ាងធ្ងន់ធ្ងរដល់ទារកកំពុងលូតលាស់។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ចំពោះស្ត្រីមានផ្ទៃពោះដែលទទួលទានគ្រឿងស្រវឹងញឹកញាប់អាចបង្កើនហានិភ័យនៃ ការស្លាប់ទារក ដែលវាគឺជាការខូចខាតធ្ងន់ធ្ងរបំផុតដែលបង្កឡើងដោយគ្រឿងស្រវឹង។ វាធ្វើឲ្យខូចខាតខួរក្បាល ទារកមានលក្ខណៈមិនប្រក្រតី និងកង្វះការលូតលាស់។
(អាន:ថ្នាំងងុយគេង ពេលអ្នកគួរប្រើ)
មិនតែប៉ុណ្ណោះ វាបង្កឲ្យទារកមានសកម្មភាពហួសហេតុ និងមានបញ្ហានៅក្នុងការរៀន ការនិយាយ ការផ្ចង់អារម្មណ៍ និងភាសា។ ការទទួលទានគ្រឿងស្រវឹងកម្រិតខ្ពស់ អាចបង្កើនហានិភ័យនៃការរលូតកូន កូនកើតមិនគ្រប់ខែ និងទារកស្លាប់ក្នុងផ្ទៃ។
ពុំទាន់មានភស្តុតាងជាក់លាក់ណាមួយ ដែលបង្ហាញពីភាពសុវត្តិភាពនៃការទទួលទានគ្រឿងស្រវឹងកម្រិតទាបក្នុងអំឡុងពេលមានផ្ទៃពោះនោះទេ ទោះបីជាអ្នកជំនាញមួយចំនួនបានផ្ដល់អនុសាសន៍ថា ស្ត្រីមានផ្ទៃពោះអាចមានសុវត្ថិភាពក្នុងការទទួលទានគ្រឿងស្រវឹងក្នុងអំឡុងពេលមានផ្ទៃពោះ ប្រសិនបើស្ត្រីកំណត់ការទទួលទានដោយមិនលើសពី ១ ឬ ២ កែវ ហើយមិនលើសពី ១ ដង ឬ ២ ដងក្នុងមួយសប្តាហ៍។ ទោះបីជាយ៉ាងណា ក្នុងការទទួលទានគ្រឿងស្រវឹងក្នុងអំឡុងពេលមានផ្ទៃពោះ អាចនឹងមានគ្រោះថ្នាក់សម្រាប់ទារកកំពុងលូតលាស់៕