កុមារដែលមានអាយុក្រោម ២ ឆ្នាំមិនត្រូវមើលទូរទស្សន៍លើសពីមួយ ឬពីរម៉ោងក្នុងមួយថ្ងៃនោះទេ ពីព្រោះវាអាចបង្កឲ្យមានផលប៉ះពាល់ដូចជា ៖
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
• ធាត់ ៖ កុមារអាចមានចំណង់អាហារតាមរយៈការផ្សព្វផ្សាយពាណិជ្ជកម្មតាមកញ្ចក់ទូរទស្សន៍។
• ការគេងមិនទៀងទាត់ ៖ កុមារមើលទូរទស្សន៍ច្រើនអាចធ្វើឲ្យមានបញ្ហាក្នុងការដេកលក់ ឬកាលវិភាគនៃការគេងមិនទៀងទាត់ ដែលជាកត្តាបង្កឲ្យមានការកើនឡើងនៃការអស់កម្លាំង និងការញុំអាហារសម្រន់។
(អាន:ថ្នាំងងុយគេង ពេលអ្នកគួរប្រើ)
• បញ្ហាអាកប្បកិរិយា ៖ កុមារសិក្សានៅបឋមសិក្សាដែលចំណាយពេលជាងពីរម៉ោងក្នុងមួយថ្ងៃមើលទូរទស្សន៍ ឬប្រើកុំព្យូទ័រអាចមានបញ្ហាផ្លូវចិត្ត សង្គម និងការយកចិត្តទុកដាក់។
• ការសិក្សាខ្សោយ ៖ កុមារសិក្សានៅបឋមសិក្សាដែលមានទូរទស្សន៍នៅក្នុងបន្ទប់គេងទទួលបានពិន្ទុនៅពេលប្រលងតិចជាងកុមារដែលគ្មានទូរទស្សន៍នៅក្នុងបន្ទប់គេង។
• អំពើហិង្សា ៖ ការប៉ះពាល់ច្រើនពេកទៅនឹងអំពើហិង្សាតាមរយៈប្រព័ន្ធផ្សព្វផ្សាយជាពិសេសនៅតាមកញ្ចក់ទូរទស្សន៍ជាកត្តាធ្វើឲ្យកុមាររៀនទទួលយកអំពើហិង្សាធ្វើជាវិធីដោះស្រាយបញ្ហា។
• មានពេលតិចសម្រាប់ការលេង ឬបញ្ចេញសកម្មភាពនានា ដែលធ្វើឲ្យកុមារគ្មានពេលលេងប្រកបដោយការច្នៃប្រឌិត៕