អ្នកអាចសាកល្បងវិធីសាស្ត្រមួយចំនួន​ ដើម្បីបន្ធូរបន្ថយការឈឺចាប់អញ្ចាញធ្មេញ មុននឹងសម្រេចប្រើប្រាស់ថ្នាំបំបាត់ការឈឺចាប់ផ្សេងៗ។

(អាន:ថ្នាំងងុយគេង ពេលអ្នកគួរប្រើ)

អ្នកអាចសាកល្បងដូចខាងក្រោមនេះ​​ ៖

• សង្កត់ម្រាមដៃរបស់អ្នកនៅលើអញ្ចាញធ្មេញទារក​ដើម្បីឲ្យស្ពឹកក្នុងរយៈពេលបណ្តោះអាសន្ន

• ការផ្តល់ក្បាលដោះជ័រឲ្យកូនរបស់អ្នកបៅលេង​ដែលវាជួយកាត់បន្ថយការឈឺចាប់បាន។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ប្រសិនបើកូនរបស់អ្នកមានអាយុច្រើនជាង ៦ ខែ នោះអ្នកអាចសាកល្បងដូចខាងក្រោម​ ៖

• ត្រូវឲ្យកូនរបស់អ្នកទំពារនូវវត្ថុរឹងៗដែលមិនមានរសជាតិផ្អែមដូចជានំបុ័ងជាដើម ហើយអ្នកក៏អាចប្រើនំបុ័ងដែលកកបានផងដែរ

• ត្រូវផ្ដល់ឲ្យកូនរបស់អ្នកនូវផ្លែឈើ និងបន្លែកកៗដើម្បីកាត់បន្ថយការឈឺចាប់នៅពេលទំពារ

• អ្នកត្រូវចេះសង្កេតមើលកូនអ្នកនៅពេលទំពារនំបុ័ង ឬបន្លែរឹងៗ ឧទាហរណ៍ អ្នកមិនត្រូវប្រើការ៉ុតឆៅនោះទេ​ ប្រសិនបើកូនអ្នកទើបតែមានធ្មេញតិចតួច​​នោះការខាំរបស់កូនអ្នកអាចបង្កើតបានជាដុំៗដែលអាចធ្វើឲ្យកូនអ្នកអាចឈ្លក់បាន

• អ្នកក៏អាចឲ្យកូនអ្នកញុំទឹកកកបានផងដែរ ប្រសិនបើកូនអ្នកអាចញុំអាហារបានអ្នកត្រូវឲ្យកូនអ្នកញុំទឹកផ្លែឈើត្រជាក់ៗ​​ ឬទឹកដោះគោជូរ។

• ប្រសិនបើកូនអ្នកមិនព្រមធ្វើតាមអ្នកនោះទេអ្នកត្រូវឪបកូនអ្នកឲ្យខ្លាំងព្រោះវាក៏ជាការព្យាបាលដ៏ល្អមួយផងដែរ៕

Loading...