ដុំសាច់ស្បូន គឺជាដុំសាច់ដែលមិនមែនមហារីក ហើយច្រើនកើតចំពោះស្ត្រីដែលមានអាយុមានកូន។ ដុំសាច់ ត្រូវបានកើតឡើងពីកោសិកាសាច់ដុំ និងជាលិកាដទៃទៀត ដែលដុះនៅនឹងជុំវិញជញ្ជាំងនៃស្បូន។

មូលហេតុនៃការដុះដុំសាច់នេះមិនត្រូវបានគេដឹងច្បាស់នោះឡើយ។ កត្តាហានិភ័យរួមមាន ជាជនជាតិអាមេរិកដើមកំណើតអាហ្រ្វិក ឬអ្នកធាត់លើសទម្ងន់។

រោគសញ្ញានៃការកើតមានជំងឺដុះដុំសាច់ស្បូនរួមមាន ៖

1. ហូរឈាមច្រើនធ្ងន់ធ្ងរ ឬឈឺចាប់ អំឡុងពេលមករដូវ
2. មានអារម្មណ៍ថា “ពេញ ឬតឹងណែន” នៅក្នុងពោះផ្នែកខាងក្រោម
3. នោមញឹក
4. ឈឺចាប់អំឡុងពេលរួមភេទ
5. ឈឺខ្នង
6. មានបញ្ហាក្នុងការបន្តពូជ ដូចជាការគ្មានកូន រលូតកូនច្រើនដង ឬកើតកូនមុនកំណត់ជាដើម។

ប៉ុន្តែ ស្ត្រីមួយចំនួននឹងមិនមានរោគសញ្ញាទាំងនេះនោះទេ។ នោះហើយជាមូលហេតុដែលវាជាការសំខាន់ ក្នុងការត្រួតពិនិត្យសុខភាពរបស់អ្នកជាប្រចាំ៕