កុមារងាយនឹងស្លាប់នៅក្នុងឡានក្តៅមួយនៅសហរដ្ឋអាមេរិក ប៉ុន្តែអ្នកជំនាញខាងសុវត្ថិភាពម្នាក់និយាយថា សោកនាដកម្មបែបនេះ អាចត្រូវបានរារាំងយ៉ាងងាយស្រួល។

Susan Katz អ្នកសម្របសម្រួលនៃកម្មវិធីទប់ស្កាត់ការរងរបួសកុមារ នៅមន្ទីរពេទ្យកុមារ Stony Brook បាននិយាយថា អក្សរចំនួន ៣ អាចជួយអ្នកបើកបរឲ្យចងចាំ និងប្រុងប្រយ័ត្នចំពោះសុវត្ថិភាពឲ្យបានត្រឹមត្រូវជាមួយកុមារ នៅពេលធ្វើដំណើរក្នុងរថយន្ត នោះគឺអក្សរ A, C, T។

A: Avoid heat-related injury and death ៖ ជៀសវាងការរងរបួស និងការស្លាប់ទាក់ទងនឹងកម្តៅ។ មិនត្រូវទុកកូនតែម្នាក់ក្នុងឡានទេ សូម្បីតែមួយនាទី។ វេជ្ជបណ្ឌិត Katz បាននិយាយនៅក្នុងការចេញផ្សាយរបស់មន្ទីរពេទ្យថា “អ្នកត្រូវប្រាកដថា ចាក់រថយន្តរបស់អ្នកឲ្យជាប់សោរនៅពេលដែលអ្នកមិនចូលទៅក្នុងវា ដូច្នេះកុមារមិនអាចចូលលេងដោយខ្លួនឯងបានទេ”

C: Create reminders ៖ បង្កើតការរំលឹក។ Katz បានណែនាំថា “ដាក់អ្វីនៅខាងក្រោយកៅអីរថយន្តជាប់កូនរបស់អ្នក ដូចជាកាបូបលុយ កាបូប ឬទូរស័ព្ទដៃ ដែលជារបស់ដែលអ្នកត្រូវការពេលអ្នកចេញពីរថយន្ត”។

T: Take action ៖ ចាត់វិធានការ។ Katz បាននិយាយថា “ប្រសិនបើអ្នកឃើញកុមារម្នាក់នៅក្នុងឡានមួយ សូមហៅទូរស័ព្ទ ១១៩”។

វេជ្ជបណ្ឌិត Katz បាននិយាយថា ក្មេងៗងាយនឹងទទួលរងនូវការឈឺចាប់ និងរងគ្រោះថ្នាក់ដោយសារកម្តៅខ្លាំង ដោយសារតែរាងកាយរបស់ពួកគេឡើយកម្តៅលឿនជាងមនុស្សពេញវ័យ ៣ ទៅ ៥ ដង។

នោះហើយជាមូលហេតុដែលអ្នកគួរតែមើលឲ្យសព្វ មុនពេលអ្នកចាក់សោររថយន្តរបស់អ្នក។

វេជ្ជបណ្ឌិត Katz បាននិយាយថា “ចូរមានទម្លាប់បើកទ្វាររថយន្តរបស់អ្នកឲ្យបានគ្រប់ពេលដែលអ្នកទៅដល់គោលដៅរបស់អ្នក ដើម្បីប្រាកដថា អ្នកមិនភ្លេចកូនចោលក្នុងឡាន។

នៅចន្លោះឆ្នាំ ១៩៩០ និង ២០១៧ កុមារចំនួន ៨៣៦ នាក់បានស្លាប់នៅក្នុងឡានក្តៅ នៅសហរដ្ឋអាមេរិក ដោយយោងតាមគេហទំព័រ KidsAndCars.org៕