ស្ត្រេស ឬភាពតានតឹងអាចបណ្តាលឲ្យសារធាតុគីមីនៅក្នុងខ្លួនរបស់អ្នកមានសកម្មភាព ដែលជាហេតុធ្វើឲ្យស្បែកកាន់តែងាយប្រតិកម្ម និងមានសកម្មភាពខ្លាំង និយាយឲ្យខ្លីគឺគ្មានសុខភាពល្អ។ វាក៏អាចធ្វើឲ្យស្បែកពិបាកនឹងជាសះស្បើយផងដែរ។
(អាន:ថ្នាំងងុយគេង ពេលអ្នកគួរប្រើ)
តើអ្នកដែលធ្លាប់កត់សម្គាល់នៅពេលដែលអ្នកមានភាពតានតឹងក្នុងអារម្មណ៍ អ្នកតែងតែមានមុនឬអត់? នេះគឺដោយសារតែភាពតានតឹងបណ្តាលឲ្យរាងកាយរបស់អ្នកផលិតអ័រម៉ូន cortisol និង អ័រម៉ូនផ្សេងទៀតដែលមានមុខងារទៅប្រាប់ក្រពេញបញ្ចេញជាតិខ្លាញ់របស់អ្នកឲ្យផលិតប្រេងកាន់តែច្រើន។ ស្បែកខ្លាញ់ គឺងាយកើតមុន និងបញ្ហាស្បែកដទៃទៀត។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ភាពតានតឹងក្នុងអារម្មណ៍អាចធ្វើក៏អាចធ្វើឲ្យ ៖
បញ្ហាស្បែកកាន់តែធ្ងន់ធ្ងរ
ឧទាហរណ៍ ភាពតានតឹងអាចធ្វើឲ្យជំងឺរបកស្បែកក្រហម និងជំងឺត្រអកកាន់តែធ្ងន់ធ្ងរជាងមុន។ ភាពតានតឹងក៏អាចបណ្តាលអោយឲ្យមានកន្ទួលក្រហម និងការឡើងកន្ទួលលើស្បែកផ្សេងទៀត ក៏ដូចជាបង្កឲ្យមានពងបែកផងដែរ។
ប្រសិនបើអ្នកមានភាពតានតឹង អ្នកអាចកាត់បន្ថយទៅលើការថែទាំស្បែករបស់អ្នកដែលនាំឲ្យបញ្ហាស្បែករបស់អ្នកកាន់តែធ្ងន់ធ្ងរ។ បញ្ហាស្បែកក៏អាចធ្វើឲ្យមានភាពតានតឹងក្នុងអារម្មណ៍ផងដែរ។ មនុស្សមួយចំនួនមានការខ្មាស់អៀនដោយសារស្បែករបស់ពួកគេ ដូច្នេះពួកគេចេះតែលាក់ មិននិយាយចេញមកដែលជាកត្តាបន្ថែមភាពតានតឹងកាន់តែច្រើន និងកាន់តែអាក្រក់បន្ថែមទៀត។
ប្រសិនបើអ្នកមានបញ្ហាស្បែកដែលមិនជាសះស្បើយ ឬមិនវិលត្រលប់មករកសភាពដើមវិញ អ្នកគួរតែពិចារណាពីរបៀបដោះស្រាយភាពតានតឹង៕