ការរមាស់ និងការក្រហាយទ្វារមាស គឺជារោគសញ្ញាទូទៅនៃការរលាកទ្វារមាស។ បើទោះបីជារោគសញ្ញានៃការឆ្លងមេរោគទាំងនេះអាចស្រដៀងគ្នាក៏ដោយ ក៏វានៅមានភាពខុសគ្នាមួយចំនួនដែលអាចដឹងតាមរយៈការមើលទៅលើពណ៌ និងក្លិនរបស់ទឹករំអិលបានដែរ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ការហូរទឹករំអិលតាមទ្វារមាសមួយចំនួន គឺជារឿងធម្មតាសម្រាប់ស្ត្រីក្នុងវ័យបន្តពូជ។ ជាធម្មតា ក្រពេញនៅមាត់ស្បូនផលិតទឹករំអិលថ្លាៗហូរចុះក្រោម លាយជាមួយនឹងបាក់តេរី និងកោសិកាទ្វារមាសដែលងាប់ៗ។ សារធាតុទាំងនេះអាចប្តូរពណ៌របស់ទឹករំអិលឲ្យទៅជាពណ៌ស និងពណ៌រាងលឿងបន្តិចនៅពេលដាក់វាឲ្យត្រូវខ្យល់។
(អាន:ថ្នាំងងុយគេង ពេលអ្នកគួរប្រើ)
មានពេលខ្លះ ស្របពេលជាមួយនឹងវដ្តរដូវ ក្រពេញមាត់ស្បូនផលិតទឹករំអិលច្រើនជាងធម្មតា ហើយវាក៏អាស្រ័យទៅតាមបរិមាណនៃការផលិតអ័រម៉ូន estrogen ផងដែរ។ ទាំងអស់នេះ គឺជារឿងធម្មតា។
ការរីករាយផ្លូវភេទរំភើប និងភាពតានតឹងផ្លូវអារម្មណ៍ត្រូវបានផ្សារភ្ជាប់ជាមួយនឹងការហូរទឹករំអិលតាមទ្វារមាសផងដែរ។ ទឹករំអិលដែលចេញនៅពេលអារម្មណ៍បែបនេះ គឺត្រូវតែថ្លា។
ប្រសិនបើហូរទឹករំអិលចេញពីទ្វារមាសរបស់អ្នកមានលក្ខណៈខុសប្រក្រតី ដូចជាពណ៌បៃតង មានក្លិនអាក្រក់ ការផ្លាស់ប្តូរបរិមាណ ឬកើនឡើងយ៉ាងខ្លាំង ឬថយចុះ នោះអ្នកអាចនឹងប្រឈមមុខនឹងការរលាកទ្វាមាសហើយ។ ចូរប្រញាប់ទៅពេទ្យភ្លាម៕