ស្រ្តីមានផ្ទៃពោះគួរគេងផ្អៀងទៅខាងឆ្វេងទើបល្អ
បន្ទាប់ពីខែទីប្រាំនៃការមានផ្ទៃពោះ ខ្នងរបស់អ្នកពិតជាមិនល្អនោះទេ។ ការគេងផ្ងារដូចជាបន្ថែមសម្ពាធទៅលើសរសៃឈាមធំៗមួយចំនួនដែលនៅស្របជាមួយនឹងឆ្អឹងខ្នងរបស់អ្នក ដែលធ្វើឲ្យឈាមដែលរត់ត្រលប់ពីជើងរបស់អ្នកទៅបេះដូងមិនបានល្អ ដើម្បីធ្វើដំណើរទៅកាន់រាងកាយរបស់អ្នក និងកូនរបស់អ្នក។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
អ្នកអាចពិបាកក្នុងការដកដង្ហើមខណៈពេលដែលអ្នកគេងផ្ងារ ដោយសារតែខ្លាញ់ពោះរបស់អ្នកសង្កត់ទៅលើពោះវៀនរបស់អ្នក ហើយក៏អាចនាំឲ្យមានបញ្ហាក្រពះផងដែរ។
(អាន:ថ្នាំងងុយគេង ពេលអ្នកគួរប្រើ)
ការគេងផ្កាប់មុខក៏មិនល្អដែរ ពីព្រោះវានាំឲ្យទម្ងន់ខ្លួនសង្កត់ទៅលើក្រពះ ស្បូន និង ដោះ ដែលសុទ្ធតែជាការរំខាន។
ការគេងផ្អៀងទៅខាងឆ្វេង គឺជាការល្អបំផុត។ បច្ចុប្បន្ននេះការគេងផ្អៀងទៅខាងឆ្វេង គឺបែបបទនៃការគេងដែលមានសុវត្ថិភាពបំផុតសម្រាប់ទារក។ លើសពីនេះ វាមានផាសុខភាពសម្រាប់អ្នកផងដែរ។ អ្នកជំនាញបានផ្ដល់អនុសាសន៍អំពីការគេងផ្អៀងទៅខាងឆ្វេងថា ព្រោះវាធ្វើឲ្យឈាមរត់បានល្អ ការផ្តល់ឈាមសារធាតុចិញ្ចឹមទៅកាន់ទាកតាមរយៈទងសុកក៏បានល្អ។ ចំណែកឯការគេងផ្អៀងទៅខាងស្តាំវិញ វាធ្វើឲ្យទម្ងន់រាងកាយរបស់អ្នកសង្កត់ទៅលើថ្លើមរបស់អ្នក។ ទាំងការគេងផ្ងារ និងគេងផ្អៀងទៅខាងស្តាំសុទ្ធតែមិនល្អ ដូច្នេះមានតែគេផ្អៀងទៅខាងឆ្វេងទេ គឺជាការល្អបំផុត៕