ពណ៌ទឹកនោម ជាធម្មតាប្រែប្រួលអាស្រ័យលើបរិមាណទឹកដែលអ្នកទទួលទាន។ សារធាតុរាវទៅពង្រាវសារធាតុពណ៌លឿងនៅក្នុងទឹកនោម ដូច្នេះបើអ្នកញុំាទឹកកាន់តែច្រើន ទឹកនោមអ្នកកាន់តែថ្លា។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
នៅពេលដែលអ្នកផឹកទឹកកាន់តែតិច នោះទឹកនោមអ្នកនឹងកាន់តែពណ៌លឿង។ ការខ្វះជាតិទឹកធ្ងន់ធ្ងរអាចធ្វើឲ្យទឹកនោមពណ៌លឿងចាស់។ ប៉ុន្ដែពេលខ្លះទឹកនោមអាចប្រែពណ៌ឆ្ងាយហួសពីអ្វីដែលជារឿងធម្មតាដូចជាពណ៌ក្រហម ពណ៌ខៀវ ពណ៌បៃតង ពណ៌ត្នោតក្រម៉ៅ និងពណ៌សល្អក់។
(អាន:ថ្នាំងងុយគេង ពេលអ្នកគួរប្រើ)
ដូច្នេះ តើពេលណាដែលអ្នកគួរទៅជួបគ្រូពេទ្ យប្រសិនបើអ្នកមានទឹកនោមពណ៌មិនធម្មតា?
មើលឃើញឈាមនៅក្នុងទឹកនោម
ទឹកនោមមានឈាមភាគច្រើនមាននៅក្នុងជំងឺរលាកប្លោកនោម និងជំងឺគ្រួសក្នុងតម្រងនោម។ ជំងឺទាំងពីរនេះជាធម្មតាធ្វើឲ្យមានការឈឺចាប់។ ចំណែកឯការនោមឈាមដែលគ្មានការឈឺចាប់អាចជាសញ្ញានៃបញ្ហាធ្ងន់ធ្ងរជាច្រើនទៀតដូចជាជំងឺមហារីក។
ទឹកនោមពណ៌ត្នោតក្រម៉ៅ
ប្រសិនបើទឹកនោមរបស់អ្នកមានពណ៌ត្នោតក្រម៉ៅហើយមានលាមកពណ៌ស្លេក ស្បែក និងភ្នែកពណ៌លឿង នោះថ្លើមរបស់អ្នកអាចនឹងដំណើរការខុសប្រក្រតី៕
