Join with Health.com.kh on Telegram

ការច្រាលទឹកអាស៊ីតក្រពះ គឺជាការច្រាលទឹក និងអាហារដែលមាននៅក្នុងក្រពះត្រឡប់មកចូលទៅក្នុងបំពង់អាហារវិញ។ វេជ្ជបណ្ឌិតហៅជំងឺនេះថា “ជំងឺច្រាលទឹកអាស៊ីតក្រពះ”។

មានហេតុផលជាច្រើនដែលធ្វើឲ្យមនុស្សមានការច្រាលទឹកអាស៊ីតក្រពះ។ មូលហេតុមួយអាចធ្វើទៅរួចទាក់ទងជាមួយនឹងសាច់ដុំនៅខាងក្រោមបំពង់អាហារនោះ។ ជាធម្មតាសាច់ដុំនេះគឺត្រូវបិទដើម្បីរក្សាអាហារ និងទឹកអាស៊ីតក្នុងក្រពះកុំឲ្យវិលត្រឡប់ឡើងទៅបំពង់អាហារវិញ។

  1. (អាន:ថ្នាំងងុយគេង ពេលអ្នកគួរប្រើ)

ចំពោះមនុស្សមួយចំនួនដែលមានការច្រាលទឹកអាស៊ីតក្រពះ ភាគច្រើនគឺដោយសារសាច់ដុំមួយនេះធ្វើការមិនបានល្អ។

ការច្រាលទឹកអាស៊ីតក្រពះជាញឹកញាប់បណ្តាលឲ្យអោយក្រហាយនៅចុងដង្ហើម មានអារម្មណ៍ក្រហាយនៅក្នុងទ្រូង និងបំពង់ក។ ការក្រហាយនៅចុងដង្ហើមអាចកើតឡើងជាច្រើនដងក្នុងមួយសប្ដាហ៍ ជាពិសេសបន្ទាប់ពីការបរិភោគរួច ឬនៅពេលយប់។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ការច្រាលទឹកអាស៊ីតក្រពះក៏អាចធ្វើឲ្យអ្នកក្អក ឬមានរោគសញ្ញាដូចជំងឺហឺត។ វាក៏អាចធ្វើឲ្យសម្លេងរបស់អ្នកស្អកផងដែរ។ រោគសញ្ញាទាំងអស់នេះក៏អាចកើតឡើងដំណាលគ្នាផងដែរ។ ទឹកអាស៊ីតដែលច្រាលឡើងមកអាចមានរសជាតិជូរនៅក្នុងមាត់របស់អ្នក។ ការច្រាលទឹកអាស៊ីតក្រពះ គឺជាជំងឺមួយដែលសំបូរកើតនៅលើមនុស្សពេញវ័យ។

តើមានអ្វីផ្សេងទៀតដែលអ្នកគួរតែដឹងអំពីការច្រាលទឹកអាស៊ីតក្រពះ?

ការក្រហាយនៅចុងដង្ហើមអាចមានបន្តទៀត ប្រសិនបើអ្នកមិនបានព្យាបាល។ ការច្រាលទឹកអាស៊ីតក្រពះដែលមិនបានព្យាបាលអាចបង្កឲ្យមានបញ្ហាសុខភាពធ្ងន់ធ្ងរ។

ទឹកអាស៊ីតអាចធ្វើឲ្យខូចបំពង់អាហាររបស់អ្នក និងធ្វើឲ្យអ្នកពិបាកក្នុងការលេបអាហារ។ មនុស្សមួយចំនួនដែលមានជំងឺច្រាលទឹកអាស៊ីតក្រពះអាចធ្វើឲ្យកោសិកាក្នុងបំពង់អាហារក្លាយជាកោសិកាខុសធម្មតា។ កោសិកាមិនធម្មតាទាំងនេះអាចនាំឲ្យកើតជំងឺមហារីកបំពង់អាហារ តែវាជាករណីកម្រ៕