ការដុះសាច់ច្រមុះវាជារឿងធម្មតា វាមិនមែនជាសាច់មហារីកនោះទេ ហើយវាមានរាងដូចដំណក់ទឹកភ្នែកដែលដុះនៅក្នុងច្រមុះ ឬក្នុងប្រហោងឆ្អឹងច្រមុះដែលជាកន្លែងបើកចូលទៅក្នុងប្រហោងច្រមុះ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ជាទូទៅវាតែងតែជាប់ទាក់ទងជាមួយនឹងជំងឺអាលែកស៊ី ឬជំងឺហឺត។ ការដុះសាច់ច្រមុះអាចគ្មានរោគសញ្ញាអ្វីនោះទេ ជាពិសេសប្រសិនបើវានៅតូច និងមិនតំរូវឲ្យមានការព្យាបាលនោះទេ។
(អាន:ថ្នាំងងុយគេង ពេលអ្នកគួរប្រើ)
ប៉ុន្ តែការដុះសាច់ច្រមុះដែលមានទំហំធំអាចរាំងស្ទះការបង្ហូរទឹកពីប្រហោងឆ្អឹងធម្មជាតិ។ នៅពេលដែលទឹករំអិលស្ទះច្រើនពេកនៅក្នុងប្រហោងឆ្អឹង វាអាចក្លាយទៅជាការបង្ករោគ ដែលធ្វើឲ្យបរិមាណទឹកកាន់តែច្រើនឡើង ហើយប្តូរទៅជាពណ៌បៃតងលាយលឿង និងខាប់នៅក្នុងច្រមុះ និងបំពង់កដែលប៉ះពាល់ដល់មនុស្សជាច្រើនដែលមានដុះសាច់ច្រមុះ។
រោគសញ្ញានៃការដុះសាច់ច្រមុះរួមមាន ៖
- ការស្ទះច្រមុះ
- តឹងច្រមុះ
- កណា្ដស់
- មានដុំសាច់រាងតំណក់ទឹកនៅបំពង់ក
- ហៀរសំបោរ
- ឈឺមុខ
- ថយចុះសមត្ថភាពក្នុងការស្រង់ក្លិន
- បាត់បង់ការដឹងក្លិន
- បាត់បង់ការដឹងរសជាតិ
- រមាស់នៅជុំវិញភ្នែក
- ការឆ្លងមេរោគរ៉ាំរ៉ៃនៅក្នុងច្រមុះ៕
