ការឈឺក គឺជាបញ្ហាទូទៅមួយ ដែលធ្វើឲ្យមានផលប៉ះពាល់ដល់មនុស្សពេញវ័យប្រមាណ ១០ ភាគរយ ហើយវាអាចកើតមានឡើងគ្រប់ពេលវេលា។
ការឈឺក បានធ្វើឲ្យអ្នកមានអារម្មណ៍ថាតឹង ឈឺណែននៅជុំវិញក ហើយអាចកើតមានឡើងរួមជាមួយរោគសញ្ញាមួយចំនួនដូចជាស្ពឹក ឬខ្សោយសាច់ដុំ ដែលវាក៏អាចជួយបញ្ជាក់ពីមូលហេតុនៃការឈឺករបស់អ្នកបានផងដែរ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ការឈឺក ភាគច្រើនបំផុតមានរយៈពេលពេលខ្លីត្រឹមតែពីរទៅបីថ្ងៃ ឬអាចកើតមានឡើងជាច្រើនថ្ងៃ។ ការឈឺកដែលបន្តយូរជាងច្រើនសប្តាហ៍ ត្រូវបានគែចាត់ទុកថាជាការឈឺករ៉ាំរ៉ៃ។ ប៉ុន្តែ ទោះបីជាយ៉ាងណា ការឈឺកជាប់រហូតអាចត្រលប់មកជាធម្មតាវិញដោយការធ្វើលំហាត់ប្រាណ ការពង្រីកសាច់ដុំ ការព្យាបាលដោយចលនា និងការម៉ាស្សា។
(អាន:ថ្នាំងងុយគេង ពេលអ្នកគួរប្រើ)
អ្នកក៏អាចបំបាត់ការឈឺកបានដោយខ្លួនឯងបានដែរ ដូចជា៖
• ការលេបថ្នាំបំបាត់ការឈឺចាប់ ដូចជា ថ្នាំ ibuprofen (Advil, Motrin IB) ថ្នាំ naproxen sodium(Aleve) និង Acetaminophen (Tylenol)។
• ការព្យាបាលដោយកម្តៅ និងភាពត្រជាក់ដើម្បីកាត់បន្ថយការរលាក ដោយអ្នកអាចប្រើវត្ថុត្រជាក់ ដូចជា ទឹកកក ឬទឹកកករុំនៅក្នុងកន្សែង ដោយដាក់នៅកញ្ចឹងកប្រមាណ ១០ នាទី ហើយត្រូវដាក់ឲ្បបានច្រើនដងក្នុងមួយថ្ងៃ។ អ្នកក៏អាចផ្លាស់ប្តូរការព្យាបាលដោយកម្តៅបានដែរ ដោយការងូតទឹកក្តៅ ឬប្រើបន្ទះកម្តៅកម្រិតទាប សម្រាប់ដាក់នៅលើដាក់នៅកញ្ចឹងក។
• ការធ្វើលំហាត់ប្រាណនៅផ្ទះជារៀងរាល់ថ្ងៃ ដោយការចាប់ផ្តើមបង្វិលក និងស្មា ដូចជា ការផ្អៀង ពត់ និងបង្វិលក ដែលវាអាចធ្វើឲ្យការឈឺចាប់នឹងថយចុះ។ អ្នកអាចប្រើបន្ទះកម្តៅ ឬងូតទឹកផ្កាឈូកក្តៅឧណ្ហៗមុនពេលធ្វើលំហាត់ប្រាណ៕
