Join with Health.com.kh on Telegram

ប្រសិនបើអ្នកប្រើជក់ធ្វើពីដែក ដើម្បីលាងសម្អាតប្រដាប់អាំងអាហាររបស់អ្នក សូមប្រុងប្រប្រយ័ត្ន។

យោងតាមសមាគមន៍វេជ្ជសាស្រ្តអាមេរិច (AMA) បានឲ្យដឹងថា រោមដែកអាចដាច់ចេញ ហើយជាប់នឹងអាហារដែលអ្នកអាំង ដែលជាហេតុបង្កឲ្យមានគ្រោះថ្នាក់ធ្ងន់ធ្ងរដល់សុខភាព។

ប្រធានសមាគមន៍វេជ្ជសាស្រ្តអាមេរិច (AMA) លោក Barbara McAneny បាននិយាយថា នៅពេលខ្លះ វាបង្កឲ្យមានរបួសតិចតួច ហើយក្នុងករណីខ្លះ វាអាចនាំឲ្យមានការវះកាត់សង្គ្រោះបន្ទាន់។

ដើម្បីជៀសវាងគ្រោះថ្នាក់ និងការធ្វើដំណើរទៅបន្ទប់សង្គ្រោះបន្ទាន់ សូមជូតជក់របស់អ្នក បន្ទាប់ពីអ្នកប្រើវា ហើយពិនិត្យវាឲ្យបានល្អ សម្រាប់ការប្រុងប្រយ័ត្នមុនពេលចម្អិនអាហារ។

នៅឯកិច្ចប្រជុំប្រចាំឆ្នាំរបស់ខ្លួន AMA បានអំពាវនាវឲ្យមន្រ្តីសហព័ន្ធទាមទារស្លាកសញ្ញានៅលើជក់អំពីគុណភាពរបស់វា។

នៅចន្លោះឆ្នាំ ២០០២ និង ២០១៤ មានករណីចំនួន ១ ៦០០ នាក់បានទៅមន្ទីរសង្គ្រោះបន្ទាន់របស់សហរដ្ឋអាមេរិក ដោយសារការរងរបួសធ្មេញ រហូតឈានដល់ការវះកាត់ក្បាល និងក។

ភាគច្រើននៃរបួសទាំងនោះ គឺនៅមាត់ បំពង់ខ្យល់ និងបំពង់ក ហើយអ្នកជំងឺខ្លះត្រូវការវះកាត់៕