វិធីដ៏ល្អបំផុតដើម្បីបង្ការជំងឺឬសដូងបាត គឺការបន្ទន់លាមក ដើម្បីបង្ការការទល់លាមក។
ដើម្បីបង្ការ និងកាត់បន្ថយរោគសញ្ញានៃជំងឺឬសដូងបាត អ្នកត្រូវ ៖
(អាន:ថ្នាំងងុយគេង ពេលអ្នកគួរប្រើ)
• បរិភោគអាហារដែលមានជាតិសរសៃខ្ពស់ ដូចជាផ្លែឈើ បន្លែ និងគ្រាប់ធញ្ញជាតិ ដើម្បីបន្ទន់ និងបង្កើនលាមក ដើម្បីជៀសវាងការទល់លាមក ដែលបង្កជាជំងឺឬសដូងបាត ឬរោគសញ្ញារបស់វា ដែលមានស្រាប់ឲ្យកាន់តែធ្ងន់ធ្ងរទៅៗ ហើយអ្នកត្រូវបន្ថែមអាហារដែលមានជាតិសរសៃទៅក្នុងរបបអាហាររបស់អ្នកយឺតៗដើម្បីជៀសវាងបញ្ហាទល់ខ្យល់។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
• ផឹកទឹកឲ្យបានច្រើនពី ៦ ទៅ ៨ កែវ រួមជាមួយសារធាតុរាវផ្សេងទៀត ដែលមិនមែនជាជាតិអាល់កុល ជារៀងរាល់ថ្ងៃដើម្បីជួយឲ្យលាមកទន់។
• ការបន្ថែមថ្នាំគ្រាប់អាហារបំប៉នជាតិសរសៃតាមវេជ្ជបញ្ជា ចំពោះមនុស្សដែលមិនបានទទួលជាតិសរសៃគ្រប់គ្រាន់។
• ប្រសិនបើអ្នកប្រើថ្នាំគ្រាប់អាហារបំប៉នជាតិសរសៃ អ្នកត្រូវផឹកទឹកយ៉ាងហោចណាស់ ៨ កែវ ឬវត្ថុរាវផ្សេងទៀតជារៀងរាល់ថ្ងៃ។ បើមិនដូច្នោះទេ ថ្នាំគ្រាប់អាហារបំប៉នជាតិសរសៃនេះអាចបង្កឲ្យមានការទល់លាមក ឬធ្វើឲ្ការយទល់លាមកកាន់តែអាក្រក់ឡើង។
• មិនត្រូវប្រឹងបត់ជើងធំ និងដង្ហើមខ្លាំង នៅពេលបន្ទោរបង់ ដែលវានឹងបង្កើតសម្ពាធនៅលើសរសៃឈាមក្នុងរន្ធគូថកាន់តែខ្ពស់។
• នៅពេលឈឺបត់ជើង អ្នកត្រូវទៅបត់ជើង ប្រសិនបើអ្នកពន្យារពេល ចលនាពោះវៀន និងការបន្ទោរបង់លាមកនឹងប្រែជាស្ងួត និងពិបាកបន្ទោរបង់ជាងមុន។
• ចូរធ្វើលំហាត់ប្រាណយ៉ាងសកម្ម ដើម្បីជួយទប់ស្កាត់ទល់លាមក និងកាត់បន្ថយសម្ពាធនៅលើសរសៃឈាម ដែលអាចកើតឡើងនៅពេលឈរ ឬអង្គុយក្នុងរយៈពេលយូរ។ ការធ្វើលំហាត់ប្រាណក៏អាចជួយអ្នកក្នុងការសម្រកទម្ងន់ ដែលអាចត្រូវបានរួមចំណែកបង្កជំងឺឬសដូងបាតបានផងដែរ។
• ជៀសវាងការអង្គុយក្នុងរយៈពេលដ៏យូរ ព្រោះថាការអង្គុយយូរពេក ជាពិសេសនៅលើបង្គន់អាចបង្កើនសម្ពាធលើសរសៃឈាមក្នុងរន្ធគូថកាន់តែខ្លាំង៕