Join with Health.com.kh on Telegram

វដ្តរដូវ គឺជាសេរីប្រចាំខែនៃការផ្លាស់ប្តូររាងកាយរបស់ស្ត្រី ដើម្បីរៀបចំខ្លួនសម្រាប់ការមានផ្ទៃពោះ។

ជារៀងរាល់ខែ ក្រពេញអូវែបានបញ្ចេញស៊ុតមួយចេញមកក្រៅ ដែលដំណើរការនេះ គេហៅថាការបញ្ចេញពងអូវុល។ នៅស្របពេលជាមួយគ្នានេះដែរ មានការផ្លាស់ប្តូរអ័រម៉ូនសម្រាប់រៀបចំស្បូន ដើម្បីទទួលការមានផ្ទៃពោះ។

(អាន:ថ្នាំងងុយគេង ពេលអ្នកគួរប្រើ)

ប្រសិនបើការបញ្ចេញពងអូវុលបានកើតឡើង ហើយការបង្កកំណើតមិនបានកើតឡើង នោះវាបានធ្វើឲ្យស្រទាប់ខាងក្នុងនៃស្បូនបានដាច់ចេញមកខាងក្រៅតាមរយៈទ្វារមាស បង្កើតជារដូវ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ជាធម្មតាវដ្តរដូវ នឹងកើតឡើងរៀងរាល់ ២១ ទៅ ៣៥ ថ្ងៃ គឺចាប់ផ្ដើមរាប់ពីថ្ងៃដំបូងនៃការមានរដូវ ប៉ុន្តែរយៈពេលរបស់វាអាចប្រែប្រួលទៅតាមស្ត្រីម្នាក់ៗ។ នៅពេលស្ត្រីចាប់ផ្ដើមមានរដូវដំបូង វដ្តរដូវអាចមានរយៈពេលយូរ ប៉ុន្តែ វដ្តរដូវនឹងចាប់ផ្ដើមមានរយៈពេលខ្លីទៅៗ ទៅតាមអាយុរបស់ស្ត្រី។

វដ្តរដូវរបស់ស្ត្រីអាចនឹងទៀងទាត់ជារៀងរាល់ខែ ឬមិនទៀងទាត់នៅពេលខ្លះ ហើយអាចតិច ឬច្រើន មានការឈឺចាប់ ឬគ្មានការឈឺចាប់ រយៈពេលវែង ឬខ្លី គឺសុទ្ធតែអាចចាត់ទុកជាវដ្តរដូវធម្មតាបាន។

អ្នកត្រូវចងចាំថា ការប្រើប្រាស់ការពន្យារកំណើត ដូចជា គ្រាប់ថ្នាំពន្យារកំណើតនឹងអាចផ្លាស់ប្តូរវដ្តរដូវបាន។

ដូច្នោះ អ្នកត្រូវពិភាក្សាជាមួយគ្រូពេទ្យ មុននឹងជ្រើសរើសយកជម្រើសណាមួយ៕