វីតាមីន និងសារធាតុរ៉ែមួយចំនួនអាចដើរតួនាទីក្នុងការឲ្យឆាប់មានកូន។ ទោះបីជាយ៉ាងណា វិធីដ៏ល្អបំផុតដើម្បីទទួលបានការសារធាតុចិញ្ចឹមទាំងនេះ គឺការទទួលបានពីរបបអាហារ ដែលមានដូចជា ៖
(អាន:ថ្នាំងងុយគេង ពេលអ្នកគួរប្រើ)
• ស័ង្កសី និងសារធាតុ selenium ដែលដើរតួនាទីយ៉ាងសំខាន់ក្នុងការមានគភ៌។ កម្រិតទាបនៃជាតិស័ង្កសី និងសារធាតុ selenium បានធ្វើឲ្យធ្លាក់ចុះគុណភាពនៃមេជីវិតឈ្មោល និងកាត់បន្ថយសមត្ថភាពរបស់មេជីវិតឈ្មោលក្នុងការធ្វើចលនា។ ថ្នាំគ្រាប់សារសារធាតុ selenium អាចជួយកែលំអរគុណភាពនៃមេជីវិតឈ្មោល និងបង្កើនឱកាសក្នុងពេលមានផ្ទៃពោះ។ ប្រភពអាហារដែលមានសារធាតុស័ង្កសី រួមមាន សាច់គោគ្មានខ្លាញ់ សណ្តែក នំដុត និងសាច់មាន់ខ្មៅ។ សារធាតុ selenium អាចត្រូវបានរកឃើញនៅក្នុងគ្រាប់ធញ្ញជាតិ នំប៉័ង ត្រី សាច់ និងស៊ុត។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
• វីតាមីន D ៖ ការសិក្សាមួយបានបង្ហាញពីទំនាក់ទំនងរវាងកម្រិតវីតាមីន D និងការធ្វើចលនារបស់មេជីវិតឈ្មោល។ ការសិក្សាបានបង្ហាញថា បុរសដែលកង្វះវីតាមីន D អាចនឹងមានមេជីវិតឈ្មោលតិចតួច។ រាងកាយអាចទទួលបានវីតាមីន D តាមរយៈការប៉ះពាល់ជាមួយពន្លឺព្រះអាទិត្យ ក៏ដូចជាការទទួលទានអាហារដែលមានផ្ទុកវីតាមីន D មាន ត្រីមានជាតិខ្លាញ់ និងគ្រាប់ធញ្ញជាតិមួយចំនួន។
• Folate (វីតាមីន B9) គឺមានសារៈសំខាន់សម្រាប់បុរស ដើម្បីធ្វើឲ្យមេជីវិតឈ្មោលមានសុខភាពល្អ និងការបង្កើតទំរង់ពីធម្មជាតិនៃអាស៊ីតហ្វូលិក។ របបអាហារដែលសម្បូរទៅដោយវីតាមីនបានធ្វើឲ្យមេជីវិតឈ្មោលបានកើនឡើង។ អាហារដែលសម្បូរទៅដោយអាស៊ីតហ្វូលីក រួមមាន បន្លែពណ៌បៃតង ដូចជាខាត់ណា ស្បៃខ្មៅ សណ្ដែកបន្ដុះ គ្រាប់ធញ្ញជាតិ ដំឡូងនិងក្រូច។
• សារធាតុប្រឆាំងអុកស៊ីតកម្ម អាចនឹងធ្វើឲ្យប្រសើរឡើងនូវគុណភាពរបស់មេជីវិតឈ្មោល ព្រោះថាសាធាតុរ៉ាឌីកាល់សេរី អាចបណ្តាលឲ្យមានការខូចខាតភ្នាសកោសិការបស់មេជីវិតឈ្មោល។ វីតាមីនដែលជាសារធាតុប្រឆាំងអុកស៊ីតកម្ម មានដូចជា វីតាមីន A, C និង E ដែលមាននៅក្នុងផ្លែឈើ និងបន្លែ។ ការសិក្សាមួយចំនួនបានបង្ហាញថា ប្រសិនបើអ្នកអ្នកទទួលទានថ្នាំគ្រាប់វីតាមីនប្រឆាំងអុកស៊ីតកម្ម អ្នកអាចនឹងបង្កើនឱកាសក្នុងការមានផ្ទៃពោះ៕