ក្នុងករណីមួយចំនួន ថ្នាំគ្រាប់ពន្យារកំណើត អាចជួយព្យាបាលការកើតមុនចំពោះស្ត្រីបាន។
ទោះបីជាយ៉ាងណា សុវត្ថិភាព និងប្រសិទ្ធភាពនៃថ្នាំគ្រាប់ពន្យារកំណើត ដែលរួមបញ្ជូលគ្នារវាង Estrogen-progestin ដើម្បីព្យាបាលការកើតមុន គឺមិនមែនសម្រាប់មនុស្សគ្រប់រូបនោះទេ ព្រោះតែស្ត្រីមួយចំនួនអាចទទួលរងផលប៉ះពាល់ដូចជា ឈឺក្បាល ការផ្លាស់ប្តូរលំហូរនៃរដូវ ឈឺសុដន់ និងការកើនឡើងហានិភ័យនៃជំងឺបេះដូងរួមមានសម្ពាធឈាមកើនខ្ពស់ និងដុំកំណកឈាម។
(អាន:ថ្នាំងងុយគេង ពេលអ្នកគួរប្រើ)
អ្នកត្រូវពិគ្រោះជាមួយគ្រូពេទ្យ អំពីប្រវត្តិសុខភាព និងអាយុ ដែលអាចប៉ះពាល់ដល់ហានិភ័យនៃការប្រើប្រាស់ថ្នាំគ្រាប់ពន្យារកំណើត សម្រាប់ព្យាបាលការកើតមុន។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
អ្នកមិនត្រូវប្រើប្រាស់ថ្នាំគ្រាប់ពន្យារកំណើត សម្រាប់ការព្យាបាលការកើតមុន ប្រសិនបើអ្នក ៖
• ទើបសម្រាលកូនតិចជាងមួយខែ
• មានគភ៌ ឬព្យាយាមចង់មានផ្ទៃពោះ
• មិនទាន់ឈានដល់ភាពពេញវ័យ
• មានអាយុច្រើនជាង ៣៥ ឆ្នាំ ហើយធាត់ ជក់បារី ឬមានសម្ពាធឈាមខ្ពស់ ឬជំងឺឈឺក្បាលប្រកាំង
• មានប្រវត្តិនៃការឈឺក្បាលប្រកាំង
• មានជំងឺសរសៃឈាម និងសម្ពាធឈាមខ្ពស់
• មានប្រវត្តិនៃជំងឺបេះដូង
• មានប្រវត្តិមហារីកសុដន់ ស្បូន ឬ ថ្លើម
• មានប្រវត្តិនៃការកកឈាម៕