រៀបការយូរហើយនៅតែគ្មានកូន តើខ្ញុំអារមែនទេ? ធ្វើម៉េចទើបដឹងថាខ្ញុំអារ?

គូស្វាមីភរិយាជាច្រើនដែលមានការលំបាកក្នុងការមានផ្ទៃពោះក្រោយពីរួមភេទមិនបានការពាររយៈពេលមួយឆ្នាំ មានការប្រឈមមុខកាន់តែខ្ពស់នឹងបញ្ហាអត់កូនតែម្តង ហើយវាក៏មិនមែនត្រឹមតែជាបញ្ហារបស់មនុស្សស្រីនោះទេ ព្រោះបុរសក៏អាចជួបបញ្ហានេះដែរ។ មួយភាគបីនៃបញ្ហាគ្មានកូន គឺដោយសារតែបញ្ហាបុរស។

(អាន:ថ្នាំងងុយគេង ពេលអ្នកគួរប្រើ)

បុរសអារ ច្រើនតែកើតឡើងដោយសារតែចំនួនមេជីវិតឈ្មោលតិច មេជីវិតឈ្មោលមិនសូវមានគុណភាព និងបញ្ហាអ័រម៉ូន។ ដើម្បីពិនិត្យលើគុណភាពរបស់មេជីវិតឈ្មោល អ្នកត្រូវតែឲ្យគេធ្វើតេស្តលើទឹកកាមរបស់អ្នក។ ទឹកកាម គឺជាជាតិទឹកដែលផ្ទុកទៅដោយមេជីវិតឈ្មោល។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ការវិភាគលើទឹកកាម
រឿងនេះត្រូវបានធ្វើឡើងដើម្បីពិនិត្យចំនួន និងគុណភាពរបស់មេជីវិតឈ្មោលតែម្តង។ ដើម្បីអាចធ្វើតេស្តបាន អ្នកត្រូវតែមានទឹកកាមពី ១,៥ ទៅ ៥,៥ មីលីលីត្រ។
• ចំនួនមេជីវិតឈ្មោល ៖ នេះគឺជាការរាប់ចំនួនមេជីវិតឈ្មោលក្នុងមួយមីលីលីត្រទឹកកាម។ កាលណាមានមេជីវិតឈ្មោលចំនួន ២០ លានក្បាលឡើងទៅ វាគឺជារឿងធម្មតា។ តែបើតិចជាងនេះ គឺមិនអាចឲ្យមានកូនបានទេ។
• គុណភាពរបស់មេជីវិតឈ្មោល ៖ គុណភាពមេជីវិតឈ្មោលត្រូវបានកំណត់ដោយផ្អែកទៅលើរូបរាង និងការធ្វើចលនារបស់មេជីវិតឈ្មោល។ បើសិនជាមេជីវិតឈ្មោលចាប់ពី ៥០ ភាគរយឡើងទៅ ត្រូវបានគេរកឃើញថាមានចលនាក្រោយពីប្រើប្រាស់ក្នុងថ្នាលគំរូ រយៈពេលមួយម៉ោងនោះ មានន័យថា វាគឺជារឿងធម្មតាទេ។ ជាមួយគ្នានេះដែរ វាគួរតែធ្វើចលនាដោយល្បឿនដ៏ល្អមួយដើម្បីឆ្ពោះទៅមុខត្រង់។
• រូបរាងមេជីវិតឈ្មោល ៖ រចនាសម្ព័ន្ធ ទំហំ រូបរាង និងលក្ខណៈរបស់មេជីវិតឈ្មោលនឹងត្រូវបានគេសង្កេតមើល។ មេជីវិតឈ្មោលដែលខុសធម្មតាប្រហែលជាអាចអត់ក្បាល មានរូបរាងតែពាក់កណ្តាល និងលូតលាស់មិនពេញលេញ។ ប៉ុន្តែ ករណីដែលមានមេជីវិតឈ្មោលបែបនេះ ១៤ ភាគរយនោះ វាក៏ជារឿងធម្មតាដែរ។ មេជីវិតឈ្មោលគួរតែមានកម្រិត pH ពី ៧,២ ទៅ ៧,៨៕