ថ្វីបើអ្នកម្តាយភាគច្រើនបានទទួលស្គាល់ និងដឹងអំពីអត្ថប្រយោជន៍ជាច្រើននៃការបំបៅកូនដោយទឹកដោះម្តាយក៏ពិតមែន ប៉ុន្តែ អ្នកម្តាយមួយចំនួនបដិសេធក្នុងការធ្វើបែបនេះ ដោយលើកឡើងនូវផលវិបាក និងមូលហេតុជាច្រើនផ្សេងទៀត។ មូលហេតុទាំងនោះមានដូចជា ៖
(អាន:ថ្នាំងងុយគេង ពេលអ្នកគួរប្រើ)
- ការឈឺចាប់
- ការខ្មាស់អៀន
- ការខ្លាចបាត់បង់សម្រស់សុដន់ (យារធ្លាក់)
- ការរវល់នឹងការងារផ្សេង។ល។
យ៉ាងណាមិញ ការបំបៅដោះកូន ជាធម្មតា វាហាក់បីដូចជាបានដុតយកកាឡូរីរបស់ម្តាយដែលលើសកាលពីអំឡុងពេលមានផ្ទៃពោះ ដូច្នោះហើយ ការបំបៅដោះកូនជារឿយៗ វាជួយឲ្យអ្នកស្រកគីឡូបានលឿន។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ការជញ្ជក់របស់ទារកបានធ្វើឲ្យមានការបញ្ចេញនូវអ័រម៉ូនអុកស៊ីតូស៊ីន ដែលជួយឲ្យស្បូនរបស់អ្នកឆាប់វិលត្រលប់ទៅសភាពដើមវិញ ហើយម្យ៉ាងទៀត វាអាចជួយកាត់បន្ថយការហូរឈាមចេញពីស្បូនរបស់អ្នកបានលឿនបន្ទាប់ពីសម្រាលរួច។
ការបំបៅដោះកូន ក៏អាចជួយអ្នកកាត់បន្ថយហានិភ័យពីការកើតជំងឺមហារីកដោះ និងក្រពេញអូវែ។ ហើយមួយវិញទៀត វាក៏អាចជួយអ្នកកាត់បន្ថយហានិភ័យពីការពុកឆ្អឹងផងដែរ។
អ្នកក៏មិនចាំបាច់ទិញម្សៅទឹកដោះគោ មិនចំនាយពេលឆុង ឬលាងសម្អាតក្បាលដោះរបស់វា ឬក៏ស្រុះកំប៉ុងឆុង ដែលទាំងនេះគឺវាចំណេញទាំងថវិកា និងពេលវេលា។
វាក៏ផ្តល់ឲ្យអ្នកនូវការយកចិត្តទុកដាក់ឲ្យយទៀងទាត់ និងមានភាពជិតស្និទ្ធជាមួយកូនរបស់អ្នក៕