ការមានក្លិនមាត់មិនល្អជាប់រហូត ឬរសជាតិអាក្រក់ក្នុងមាត់ អាចនឹងត្រូវបានគេព្រមានថា ជារោគសញ្ញានៃជំងឺអញ្ចាញធ្មេញ។ ជំងឺអញ្ចាញធ្មេញ ត្រូវបានបង្កើតឡើងដោយកកើតបន្ទះជាតិកាល់ស្យូម ឬកំទិចកំទីផ្សេងៗនៅលើធ្មេញ។
(អាន:ថ្នាំងងុយគេង ពេលអ្នកគួរប្រើ)
បាក់តេរី ក៏អាចបណ្តាលឲ្យបង្កើតជាតិពុលនៅក្នុងមាត់ ដែលអាចធ្វើឲ្យរលាកអញ្ចាញធ្មេញរបស់អ្នកផងដែរ។ ប្រសិនបើជំងឺរលាកអញ្ចាញធ្មេញនៅតែបន្ត និងមិនបានព្យាបាលទេ វាអាចធ្វើឲ្យខូចអញ្ចាញធ្មេញ និងឆ្អឹងថ្គាមរបស់អ្នក។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
មូលហេតុបញ្ហាធ្មេញដទៃទៀតនៃការធ្វីឲ្យមានក្លិនមាត់មិនល្អរួមមាន ការសម្អាតធ្មេញមិនបានស្អាត ការឆ្លងមេរោគផ្សិតក្នុងមាត់ និងការឈឺធ្មេញ។ បញ្ហាមាត់ស្ងួត ក៏អាចជាលក្ខខណ្ឌវេជ្ជសាស្រ្តមួយ ដែលបណ្តាលឲ្យមានក្លិនមាត់មិនល្អដែរ។
ទឹកមាត់ គឺជាកត្តា ចាំបាច់ដើម្បីធ្វើឲ្យមានសំណើម ការបន្ទន់អាហារ និងការសម្អាតមាត់ដោយការកំទេចជាតិអាស៊ីតដែលផលិតដោយបន្ទះកាល់ស្យូម និងការលាងចេញឲ្យឆ្ងាយនូវកោសិកាដែលងាប់កកកុញលើអណ្តាត អញ្ចាញធ្មេញ និងថ្ពាល់ខាងក្នុង។ ប្រសិនបើមិនបានយកចេញនូវកោសិកាទាំងនេះទេ ជំនួសមកវិញ វានឹងបណ្តាលឲ្យមានក្លិនមាត់មិនល្អ។ មាត់ស្ងួត ក៏អាចនឹងត្រូវបានបង្កឡើងដោយផលប៉ះពាល់នៃការប្រើថ្នាំជាច្រើន ដែលវាបានជះបញ្ហាលើក្រពេញទឹកមាត់ ឬការបន្តការដកដង្ហើមតាមមាត់។
ជំងឺដទៃទៀតជាច្រើន ក៏អាចបង្កឲ្យមានក្លិនមាត់អាក្រក់ដែរ ដូចជាជំងឺរលាកផ្លូវដង្ហើម (ជំងឺរលាកសួត ឬជំងឺរលាកទងសួត) ជំងឺរលាកប្រហោងក្នុងឆ្អឹងច្រមុះរ៉ាំរ៉ៃ ការហៀរសំបោរ ជំងឺទឹកនោមផ្អែម ការចាល់ជាតិអាស៊ីតក្នុងក្រពះរ៉ាំរ៉ៃ និងបញ្ហាថ្លើម ឬ តម្រងនោម៕