សម្រាប់ក្មេងជំទង់ជាច្រើន ដោយសារតែមានសម្ពាធពីសាលារៀន និងការប្រែប្រួលនៃជីវិតប្រចាំថ្ងៃជារៀងរាល់ថ្ងៃ វាអាចជាហេតុបង្កឲ្យមានអារម្មណ៍មិនល្អ។
(អាន:ថ្នាំងងុយគេង ពេលអ្នកគួរប្រើ)
តាមរយៈក្មេងស្រីម្នាក់បានឲ្យដឹងថា “ឪពុកម្តាយរបស់ខ្ញុំតែងចង់ឲ្យខ្ញុំទទួលបានចំណាត់ថ្នាក់ល្អ ពួកគេចង់ឲ្យខ្ញុំលេងកីឡាឲ្យបានយ៉ាងល្អស្ទាត់ជំនាញ ហើយចង់ឲ្យខ្ញុំមើលទៅល្អគ្រប់យ៉ាង និងមានការចូលចិត្តពីអ្នកដទៃ តែវាពិតជាលំបាកខ្លាំងណាស់ ក្នុងការធ្វើអ្វីទាំងអស់នោះជារៀងរាល់ថ្ងៃ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ត្រឹមត្រូវហើយ វាពិតជាមានការលំបាកខ្លាំងណាស់ ដែលត្រូវធ្វើឲ្យខ្លួនយើងល្អឥតខ្ចោះនោះ ប៉ុន្តែគ្មាននរណាម្នាក់ល្អឥតខ្ចោះគ្រប់យ៉ាងនោះទេ! ក្មេងជំទង់ភាគច្រើនតែងចង់មានសេរីភាព ប៉ុន្តែភាគច្រើនអារម្មណ៍របស់ពួកគេនៅតែស្ថិតនៅក្រោមសម្ពាធពីក្រុមគ្រួសាររបស់ពួកគេ។ ពួកគេចង់ឲ្យក្រុមគ្រួសាររបស់ពួកគេចាត់ទុកពួកគេដូចជាមនុស្សពេញវ័យ ប៉ុន្តែពេលខ្លះពួកគេនៅតែមានអារម្មណ៍ថាក្រុមគ្រួសាររបស់ពួកគេចាត់ទុកពួកគេដូចជាកូនក្មេងដដែល។
វ័យជំទង់ គឺជាការផ្លាស់ប្តូរពីភាពជាកុមារទៅជាមនុស្សពេញវ័យ ការផ្លាស់ប្តូរទាំងអស់នោះ និងការទទួលខុសត្រូវថ្មីៗ គឺជាញឹកញាប់ តែងតែមានសម្ពាធខ្ពស់។ សូមប្រាកដចិត្តថា នេះគឺជាពេលវេលាដ៏រំភើប ឬវាក៏អាចគឺជាពេលវេលាដ៏ឯកោ និងគួរឲ្យភ័យខ្លាចផងដែរ។
មូលហតុមួយទៀតនៃអារម្មណ៍ពិបាកចិត្តដែលក្មេងវ័យជំទង់តែងជួបប្រទះ គឺពេលកំពុងពេញវ័យ។ នៅពេលពេញវ័យ អ័រម៉ូនមិនត្រឹមតែធ្វើឲ្យមានការផ្លាស់ប្តូរនៃរូបរាងកាយប៉ុណ្ណោះទេ ប៉ុន្តែវាក៏អាចធ្វើឲ្យអារម្មណ៍របស់អ្នកប្រែប្រួល ទោះអ្នកចង់ ឬមិនចង់ក៏ដោយ។ អារម្មណ៍ទាំងនេះអាចជាអារម្មណ៍ច្របូកច្របល់ និងភ័យខ្លាច៕