ការស្រូបផ្សែងបារីពីអ្នកដទៃ ក៏បានន័យថាអ្នកបានស្រូបយកផ្សែងបារីចូលក្នុងរាងកាយដែរ។ វាក៏ធ្វើឲ្យអ្នកម្តាយមានការកើនឡើងនូវហានិភ័យនៃជំងឺបេះដូង ជំងឺសរសៃរឈាម ជំងឺមហារីក និងបញ្ហាសុខភាពដ៏ទៃទៀតជាច្រើន។ និយាយឲ្យខ្លី ការស្រូបយកផ្សែងបារីពីអ្នកដទៃ ក៏ដូចជាការជក់បារីដោយខ្លួនឯងដែរ គឺវាធ្វើឲ្យមានហានិភ័យខ្ពស់ដូចគ្នា។
(អាន:ថ្នាំងងុយគេង ពេលអ្នកគួរប្រើ)
ចំពោះ ទារកដែលទទួលរងការវាយលុកពីផ្សែងបារី វាក៏នឹងធ្វើឲ្យកើតមានឡើងនូវបញ្ហាជាច្រើនដូចជា ៖
- ប្រឈមមុខទៅនឹងការកើតមានជំងឺហឺត
- មានបញ្ហាលើការដកដង្ហើម
- បញ្ហាលើការរលាកត្រចៀក
- ការលូតលាស់របស់សួតខុសធម្មតា
- ក្អកញឹកញាប់
- លូតលាស់មិនបានល្អ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
កុមារដែលប្រឈមទៅនឹងផ្សែងបារី គឺភាគច្រើនធ្វើឲ្យមានបញ្ហាជាច្រើន ដែលអាចឈានរហូតទៅដល់ការវះកាត់ត្រចៀកច្រើនជាងកុមារដែលមិនប្រឈម។
តាមការសិក្សាបានបង្ហាញថា កុមារដែលមានការប៉ះពាល់ផ្សែងបារី ភាគច្រើនគឺមាន IQ ទាប។ ករណីធ្ងន់ធ្ងរ រោគសញ្ញានៃការស្លាប់ភ្លាមៗរបស់ទារក គឺភាគច្រើនកើតទៅលើម្តាយដែលជក់បារី ឬក៏ស្រូបផ្សែងបារីពីអ្នកដទៃ ក្នុងកំឡុងពេលមានផ្ទៃពោះ៕