ការមករដូវមិនទៀងទាត់ច្រើនតែកើតលើស្រ្តីដែលកំពុងតែជិតអស់រដូវ។ ក្នុងកំឡុងពេលនោះ ស្ត្រីខ្លះក៏មានបញ្ហាតិចតួចបំផុតជាមួយឈាមរដូវមិនប្រក្រតី ចំណែកឯស្ត្រីខ្លះទៀតក៏មានបញ្ហាមួយចំនួនដែលយើងមិនអាចប៉ាន់ទុកជាមុនបាន ដូចជាមានការធ្លាក់ឈាមយ៉ាងច្រើនជាដើម។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ការមានរដូវ អាចកើតមានឡើងកាន់តែច្រើនញឹកញាប់ជាងមុន ហើយរយៈពេលមានដូវក៏វែងជាងមុនផងដែរ។
ក្នុងអំឡុងពេលជិតអស់រដូវ ការមករដូវរបស់អ្នក គឺមានភាពខុសប្រក្រតី ហើយមានសភាពខុសៗគ្នាពីស្ត្រីម្នាក់ទៅស្ត្រីម្នាក់។ ចំពោះស្ត្រីជិតអស់រដូវខ្លះពីរទៅបីខែទើបមានរដូវម្តង ដូច្នោះហើយយើងមិនអាចកំណត់ពីពេលវេលាពិតប្រាកដនៃការអស់រដូវបានទេ។
(អាន:ថ្នាំងងុយគេង ពេលអ្នកគួរប្រើ)
ស្រ្តីម្នាក់អាចមានរដូវមិនទៀងទាត់រហូតដល់ឆ្នាំ ដោយអាស្រ័យលើការវិវត្តន៍នៃភាពអស់រដូវ។ វាជាការសំខាន់ដែលត្រូវចងចាំថាស្ត្រីទាំងអស់ដែលមានរដូវមិនទៀងទាត់គួរតែទៅជួបជាមួយវេជ្ជបណ្ឌិត ដើម្បីបញ្ជាក់ថារដូវមិនទៀងទាត់ គឺដោយសារតែការភាពជិតអស់រដូវ ឬវាអាចជាសញ្ញានៃជំងឺមួយចំនួន។
ការដែលរដូវមិនទៀងសម្រាប់ការជិតអស់រដូវក៏អាចទាក់ទងទៅនឹងការថយចុះនៃការមានកូន ដោយសារតែការវិវត្តន៍មិនទៀងទាត់នៃមេជីវិតញី។ ទោះជាយ៉ាងណាក៏ដោយ ក៏ស្ត្រីដែលជិតអស់រដូវនៅតែអាចមានផ្ទៃពោះបានដូចគ្នា រហូតដល់ពួកគេឈានដល់ការអស់រដូវទើបលែងអាចមាន។ ដូច្នោះហើយប្រសិនជាអ្នកមិនចង់បានកូនទៀតទេ អ្នកគួរធ្វើការពន្យារកំណើត៕
