ឲ្យតែមានឈាមនៅក្នុងលាមក គឺជាភាពខុសធម្មតាហើយ។ អ្នកគួរតែប្រញាប់ទៅជួបនឹងគ្រូពេទ្យរបស់អ្នក។ ទោះជាយ៉ាងណា មានស្ថានភាពមួយចំនួនដែលអាចត្រូវបានគេចាត់ទុកថាជាការសង្គ្រោះបន្ទាន់ ហើយការថែទាំវេជ្ជសាស្រ្តគួរតែត្រូវបានចូលដំណើរការភ្លាមៗ។
(អាន:ថ្នាំងងុយគេង ពេលអ្នកគួរប្រើ)
ស្ថានភាពទាំងនេះអាចរួមមាន ៖
• លាមកមានពណ៌ខ្មៅ និងលាយជាមួយឈាម វាអាចកើតឡើងដោយសារតែការ ហូរឈាមពីបំពង់អាហារ ក្រពះ ឬផ្នែកខាងលើនៃពោះវៀនតូច (ជាប្រព័ន្ធរំលាយអាហារផ្នែកខាងលើ)។ វាជាលក្ខណជាពិសេស ដែលជាក្តីបារម្ភដ៏ធ្ងន់ធ្ងរមួយ ដែលច្រើនកើតមាននៅក្នុងអ្នកជំងឺថ្លើម ឬការលើសសម្ពាធឈាមនៅក្នុងសរសៃឈាមវ៉ែនមុនចូលទៅក្នុងថ្លើមដែលអាចបង្កឲ្យមានការប៉ោងសរសៃឈាមនៅបំពង់អាហារ។ នេះគឺជាស្ថានភាពមួយដែលអាចគម្រាមកំហែងដល់អាយុជីវិត។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
• លាមកពណ៌ត្នោតចាស់ អាចត្រូវបានបង្កឡើងដោយសារការហូរឈាមនៅក្នុងពោះវៀនតូច ឬផ្នែកខាងលើនោះ។
• មានការវិលមុខ និងឈឺក្បាលជាប់ មានភាពទន់ខ្សោយ ការខ្យល់គរ ឈឺទ្រូង ឬ ពិបាកក្នុងការដកដង្ហើម ដែលវាអាចជារោគសញ្ញានៃការបាត់បង់ឈាមយ៉ាងសំខាន់។
• មានការហូរឈាម ដែលត្រូវបានផ្សារភ្ជាប់ជាមួយនឹងការក្តៅខ្លួន និងឈឺក្នុងពោះ៕