អ្នកគួរតែប្រើ ឬមិនប្រើថ្នាំអំឡុងពេលមានផ្ទៃពោះនោះ គឺជាសំណួរចំបងដើម្បីសួរទៅកាន់គ្រូពេទ្យរបស់អ្នក។ បញ្ហាសុខភាពមួយចំនួនត្រូវការការព្យាបាលជាចាំបាច់ ហើយការប្រើថ្នាំគឺចៀសមិនផុតនោះទេ។ ជាមួយគ្នានេះដែរ ការមិនប្រើថ្នាំដែលអ្នកត្រូវការ អាចប៉ះពាល់ដល់អ្នក និងកូនរបស់អ្នកទៅវិញ។
(អាន:ថ្នាំងងុយគេង ពេលអ្នកគួរប្រើ)
ឧទាហរណ៍ ការឆ្លងមេរោគលើផ្លូវបង្ហូរទឹកម៉ូត្រដែលមិនត្រូវបានព្យាបាលទេនោះអាចបង្កជាការឆ្លងមេរោគធ្ងន់ធ្ងរទៅលើតម្រងនោម។ ការឆ្លងមេរោគលើតម្រងនោមអាចបណ្តាលឲ្យមានការកើតកូនមិនគ្រប់ខែ និងកូនមានទម្ងន់មិនគ្រប់។ ថ្នាំអង់ទីប៊ីយោទិចចាំបាច់ដើម្បីព្យាបាលបញ្ហានេះ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
សូមសាកសួរគ្រូពេទ្យថាតើអត្ថប្រយោជន៍នៃការប្រើថ្នាំមួយចំនួនផ្តល់ហានិភ័យដល់អ្នក និងកូនរបស់អ្នកឬយ៉ាងណា។
យ៉ាងណាមិញ ប្រសិនបើអ្នកមានផ្ទៃពោះ ឬកំពុងតែគិតថាចង់បានកូននោះ អ្នកគួរតែពិគ្រោះជាមួយនឹងគ្រូពេទ្យអំពីថ្នាំដែលអ្នកកំពុងតែប្រើនោះ។ សូមកុំឈប់ ឬផ្លាស់ប្តូរថ្នាំដោយចិត្តអ្នកអោយសោះ។ ថ្នាំទាំងនោះរួមមានថ្នាំសម្រាប់ជំងឺធ្លាក់ទឹកចិត្ត ជំងឺហឺត ជំងឺទឹកនោមផ្អែម ជំងឺឆ្កួតជ្រូក និងបញ្ហាសុខភាពដទៃទៀត។
ការមិនប្រើថ្នាំដែលអ្នកត្រូវការអាចងាយនឹងប៉ះពាល់ដល់អ្នក និងកូនរបស់អ្នកអោយសោះ៕
