អំឡុងពេល ៦ ខែដំបូងនៃជីវិត ទារកត្រូវការសារធាតុចិញ្ចឹម ជាចាំបាច់បំផុត ដើម្បីការលូតលាស់។ សារធាតុចិញ្ចឹមទាំងនោះ ក៏នឹងជួយការពារទារក ពីជំងឺនានាផងដែរ។
ទឹកដោះម្តាយ មានផ្ទុកសារធាតុចិញ្ចឹមជាច្រើន ដែលទារកត្រូវការជាចាំបាច់។ ទឹកដោះម្តាយ ក៏មានជាតិប្រូតេអ៊ីន ដែលងាយស្រួលក្នុងការរំលាយ នៅក្នុងក្រពះដ៏ក្មេងខ្ចីរបស់ទារកដែរ។
កដោះម្តាយ មានអង្គការពាររាងកាយ និងប្រឆាំងជាមួយការបង្ករោគនានា។ ជាការពិត វានៅមានសារៈប្រយោជន៍ជាច្រើនទៀត ដែលគេកំពុងសិក្សាស្វែងយល់។
ការសិក្សាជាច្រើន ក៏បានរកឃើញផងដែរថា ការបំបៅកូនដោយទឹកដោះ អាចជួយការពារម្តាយ ពីជំងឺមហារីកដោះ ជំងឺមហារីកស្បូន និងជំងឺទឹកនោមផ្អែម។
ទឹកដោះម្តាយ អាចជួយឲ្យទារក ធំធាត់ល្អ និងឆ្លាតវាងវៃទៀតផង៕
ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
