Join with Health.com.kh on Telegram

កង្វះអាហារូបត្ថម្ភ អាចប៉ះពាល់ទាំងផ្លូវកាយ និងផ្លូវចិត្តរបស់មនុស្ស។ ភាពខ្វះខាតប៉ុណ្ណាដែលមនុស្សមាន ឬហៅម្យ៉ាងទៀតថា សារជាតិចិញ្ចឹមច្រើនប៉ុណ្ណាដែលមនុស្សខ្វះ មនុស្សនឹងមានបញ្ហាច្រើនប៉ុនហ្នឹង។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

រោគសញ្ញានៃកង្វះអាហារូបត្ថម្ភអាស្រ័យលើថាតើកង្វះសារជាតិចិញ្ចឹមប៉ុណ្ណាដែលមនុស្សមាន។ ទោះបីជាយ៉ាងណា វាអាចរួមមានដូចជា ៖

  • អស់កម្លាំង និងថយចុះថាមពល
  • វិលមុខ
  • មុខងារនៃភាពស៊ាំចុះខ្សោយ (ដែលអាចបណ្តាលឲ្យរាងកាយមានបញ្ហាក្នុងការប្រយុទ្ធប្រឆាំងនឹងការឆ្លងមេរោគ)
  • ស្បែកស្ងួត
  • ហើម និងហូរឈាមអញ្ចាញធ្មេញ
  • ដង្កូវស៊ីធ្មេញ
  • មានបញ្ហាទៅនឹងការយកចិត្តទុកដាក់
  • ទម្ងន់មិនគ្រប់
  • ការលូតលាស់ចុះខ្សោយ
  • ខ្សោយសាច់ដុំ
  • ហើមពោះ
  • ឆ្អឹងងាយនឹងបាក់
  • បញ្ហានៃមុខងាររបស់សរីរៈ
  • បញ្ហានៃការសិក្សា។

(អាន:ថ្នាំងងុយគេង ពេលអ្នកគួរប្រើ)

នៅពេលដែលស្ត្រីមានផ្ទៃពោះខ្វះអាហារូបត្ថម្ភ កូនរបស់គាត់អាចមានទម្ងន់ស្រាលនៅពេលកើត និងមានឱកាសតិចក្នុងការរស់រានមានជីវិត។

កង្វះវីតាមីន A គឺជាមូលហេតុធំបំផុតនៃការងងឹតភ្នែក ដែលអាចការពារនៅក្នុងពិភពលោក។ កុមារដែលរស់នៅក្នុងប្រទេសកំពុងអភិវឌ្ឍដែលមានបញ្ហាកង្វះវីតាមីន A ធ្ងន់ធ្ងរដែលបណ្តាលមកពីកង្វះអាហារូបត្ថម្ភនេះមានឱកាសខ្ពស់ក្នុងការឈឺ ឬស្លាប់ដោយសារការឆ្លងមេរោគ ដូចជា ការរាគ និងជំងឺស្អូចជាដើម៕