រោគសញ្ញានៃការពុលឡានមានដូចជាចង្អោរ ក្អួត វិលមុខ បែកញើស និងមានអារម្មណ៍មិនស្រួលខ្លួនក្នុងខ្លួន។ រោគសញ្ញាទាំងនេះ កើតឡើងដោយសារការផ្លាស់ប្តូរលំនឹងនៅក្នុងត្រចៀក។
(អាន:ថ្នាំងងុយគេង ពេលអ្នកគួរប្រើ)
ខាងក្រោមនេះ គឺជាវិធីសាស្រ្តមួយចំនួន ដែលអាចជួយអ្នកការពារ និងកាត់បន្ថយភាពធ្ងន់ធ្ងរនៃការពុលឡាន ៖
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- ជៀសវាងការសេពគ្រឿងស្រវឹង និងអាហាររាវ អាហារហឺរ ឬសម្បូរជាតិខ្លាញ់
- ជៀសវាងអាហារដែលមានក្លិន
- ជៀសវាងកន្លែងអង្គុយ ដែលអាចធ្វើឲ្យអ្នកពុល ដូចជាអង្គុយកៅអីខាងក្រោយពេក ឬកន្លែងដែលធំក្លិនសាំង
- កុំអង្គុយបញ្ច្រាសទិសពេលធ្វើដំណើរ
- អ្នកគួរអង្គុយនៅកៅអីខាងមុខនៃរថយន្ត
- កុំអានសៀវភៅ ឬចុចទូរសព្ទ័ពេលធ្វើដំណើរ
- នៅពេលធ្វើដំណើរ អ្នកគួរដាក់ខ្សែក្រវ៉ាត់ ដើម្បីឲ្យខ្លួនអ្នកនៅនឹង
- បង្ហើបកញ្ចក់ខ្លះ ដើម្បីឲ្យខ្យល់ចេញចូលបាន
- កុំអង្គុយជិតអ្នកដែលពុលឡានដូចគ្នា ព្រោះសម្លេងដែលគេចង្អោរ និងក្លិនមិនល្អអាចនាំឲ្យអ្នកពុលដែរ
- លេបថ្នាំកុំឲ្យពុលឡានបង្ការទុកជាមុន ៣០ នាទី មុនធ្វើដំណើរ៕
