ថែរក្សាទម្ងន់របស់អ្នកឲ្យបានល្អ
ការស្រាវជ្រាវបានបង្ហាញថា ការធាត់ ជំងឺទឹកនោមផ្អែម ជំងឺលើសឈាម និងកូឡេស្តេរ៉ុលខ្ពស់សុទ្ធតែអាចបង្កើនហានិភ័យនៃជំងឺចាស់វង្វេង។ ដើម្បីសម្រកទម្ងន់ និងរក្សាវាឲ្យបានល្អ សូមជៀសវាងការញ៉ាំអាហារដែលមានជាតិខ្លាញ់ខ្ពស់។ ជំនួសនេះ សូមសម្របខ្លួនទៅញ៉ាំអាហារដែលល្អដល់សុខភាព។
(អាន:ថ្នាំងងុយគេង ពេលអ្នកគួរប្រើ)
ញ៉ាំផ្លែឈើ បន្លែ និងគ្រាប់ធញ្ញជាតិ
អ្នកបានធ្លាប់លឺពីមុនហើយ បន្លែ ផ្លែឈើ និងគ្រាប់ធញ្ញជាតិអាចបន្ថយហានិភ័យនៃជំងឺរ៉ាំរ៉ៃដូចជាជំងឺបេះដូង ជំងឺទឹកនោមផ្អែម និងជំងឺមហារីក។ វាហាក់ដូចជាមិនជារឿងភ្ញាក់ផ្អើលនោះទេដែលថា អាហារដូចគ្នាទាំងនោះ ក៏អាចជួយការពារមុខងារនៃខួរក្បាលនោះ។ អ្នកប្រឆាំងនឹងអុកស៊ីតកម្មដែលមាននៅក្នុងបន្លែ អាចជាអ្នកការពារមួយ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ជៀសវាងអាហារដែលមានជាតិខ្លាញ់ឆ្អែត
អាហារសំបូរទៅដោយខ្លាញ់ឆ្អែត និងកូឡេស្តេរ៉ុល ដូចជាសាច់ស្រស់ និងផលិតផលទឹកដោះអាចជម្រុញឲ្យមានកម្រិតនៃកូឡេស្តេរ៉ុលខ្ពស់។ បន្ទាប់មក កូឡេស្តេរ៉ុលខ្ពស់ អាចបង្កើនហានិភ័យនៃការគាំងបេះដូង និងជំងឺស្ទះសរសៃឈាមខួរក្បាល។ ដើម្បីកំណត់ការញ៉ាំខ្លាញ់ឆ្អែតនេះ សូមប្រើប្រេងអូលីវជំនួសប័រ។ នៅពេលដែលអ្នកញ៉ាំសាច់ សូមជ្រើសរើសសាច់បក្សី ឬត្រី។ ក៏ដូចគ្នាដែរ សូមជ្រើសរើសផលិតផលទឹកដោះគោដែលមានជាតិខ្លាញ់តិច។
សូមនិយាយជាមួយនឹងគ្រូពេទ្យអំពីការប្រើថ្នាំគ្រាប់
ការស្រាវជ្រាវបានបង្ហាញថា វីតាមីនមួយចំនួន ដូចជាវីតាមីន D, វីតាមីន E, វីតាមីន B12 និងហ្វូឡាត អាចជួយការពារខួរក្បាលរបស់អ្នក។ បន្ថែមពីលើអាហារដែលផ្តល់នូវសុខភាព ការប្រើថ្នាំវីតាមីនអាចជួយធានាអ្នកអោយទទួលបានសារជាតិចិញ្ចឹមបានគ្រប់គ្រាន។ ប្រសិនបើអ្នកមិនញ៉ាំត្រី និងបារម្ភអំពីការទទួលបានអាស៊ីតអូមេហ្គា៣បានគ្រប់គ្រាននោះ អ្នកអាចគិតអំពីការប្រើថ្នាំគ្រាប់ខ្លាញ់ត្រីបាន៕