តើអ្វីជាជំងឺកាមរោគ?

ជំងឺកាមរោគ គឺជាជំងឺដែលត្រូវបានឆ្លងតាមការរួមភេទ។

(អាន:ថ្នាំងងុយគេង ពេលអ្នកគួរប្រើ)

តើមនុស្សម្នាក់ៗអាចឆ្លងជំងឺនេះបានដោយរបៀបណា?

ជំងឺនេះត្រូវបានឆ្លងពីមនុស្សម្នាក់ទៅមនុស្សម្នាក់ទៀតតាមការរួមភេទតាមទ្វារមាស រន្ធគូថ ឬមាត់។ ពួកវាក៏អាចត្រូវបានចម្លងដោយការប្រើដៃ ឬវត្ថុនានាក្រោយពីពួកគេបានប៉ះនឹងប្រដាប់ភេទ ឬជាតិទឹកដែលចេញពីប្រដាប់ភេទផងដែរ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

តើជំងឺកាមរោគនឹងធ្វើអ្វីខ្លះនៅក្នុងខ្លួនរបស់អ្នក?

ប្រភេទនៃជំងឺកាមរោគកំណត់បានដោយប្រភេទនៃរោគសញ្ញា ប្រសិនបើមនុស្សម្នាក់មាននោះ។ ជំងឺកាមរោគមួយចំនួនអាចមិនមានរោគសញ្ញាឲ្យឃើញនោះទេ ដែលជំងឺកាមរោគខ្លះអាចបណ្តាលឲ្យអ្នកជំងឺមានការហៀរទឹកចេញពីទ្វារមាស ឬលិង្គ ឬមានការឈឺចាប់ជាដើម។

ប៉ុន្តែទោះបីជាមិនមានរោគសញ្ញាក៏ដោយ ជំងឺកាមរោគដែលមិនត្រូវបានព្យាបាលទេនោះ វាអាចនាំឲ្យប៉ះពាល់ដល់សរីរៈខាងក្នុង និងអាចបណ្តាលឲ្យមានបញ្ហាសុខភាពរយៈពេលយូរ ដូចជាការមានជំងឺមហារីក ឬការអត់កូន។ នេះជាមូលហេតុដែលមនុស្សគ្រប់គ្នាដែលបានរួមភេទហើយនោះ ត្រូវការធ្វើតេស្តឈាមសម្រាប់ជំងឺកាមរោគជាទៀងទាត់។

តើជំងឺកាមរោគអាចជាសះស្បើយទេ ឬអ្នកមានវាមួយជីវិត?

ជំងឺកាមរោគ អាចត្រូវបានព្យាបាលជាសះស្បើយដោយថ្នាំអង់ទិប៊ីយោទិច ប៉ុន្តែការឆ្លងមេរោគកាមរោគមួយចំនួន ដូចជាជំងឺអេដស៍ជាដើម មិនអាចជាសះស្បើយនោះទេ។

អ្នកដែលកើតជំងឺកាមរោគ គឺជាមនុស្សមិនល្អឬ?

ការមានជំងឺកាមរោគមិនមែនន័យថា គាត់គឺអាក្រក់នោះទេ គ្រាន់តែគាត់ត្រូវការសិក្សាពីរបៀបដើម្បីការពារការឆ្លងមេរោគនាពេលក្រោយ៕