មធ្យោបាយល្អបំផុត ដើម្បីការពារការខ្វះជាតិទឹក គឺសូមប្រាកដថា កូនទទួលបានជាតិទឹកគ្រប់គ្រាន់នៅពេលដែលពួកគេឈឺ ឬពេលលេង ដែលពួកគេគួរតែទទួលបានជាតិទឹកច្រើនជាងពួកគេបានបាត់បង់ជាតទឹកតាមការក្អួត រាក ឬបែកញើស។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

របៀបដើម្បីថែរក្សាជាតិទឹក អាចអាស្រ័យទៅលើកាលៈទេសៈ។ ឧទាហរណ៍ កុមារដែលមានការឈឺបំពង់ក អាចក្លាយជាខ្វះជាតិទឹកដោយសារតែពិបាកផឹក ឬញ៉ាំ។

(អាន:ថ្នាំងងុយគេង ពេលអ្នកគួរប្រើ)

ការបន្ថយការឈឺដោយថ្នាំអាសេតាមីណូហ្វេន ឬអ៊ីប៊ុយប្រូហ្វេនអាចជួយបាន។

គ្រុនក្តៅដែលបង្កឡើងដោយការឆ្លងមេរោគនានា អាចជាកត្តាជម្រុញឲ្យមានការខ្វះជាតិទឹក។ ទោះបីជាមិនគ្រប់ក្តៅទាំងអស់ត្រូវការការព្យាបាលក៏ពិតមែន ប៉ុន្តែប្រសិនបើកូនរបស់អ្នកមានអារម្មណ៍មិនស្រួល ហើយមិនផឹកទឹកគ្រប់គ្រាន់ទេនោះ អ្នកអាចប្រើថ្នាំអាសេតាមីណូហ្វេន ឬអ៊ីប៊ុយប្រូហ្វេន ដើម្បីជួយគ្រប់គ្រងស្ថានភាពក្តៅខ្លួនបាន។

វាជារឿងសំខាន់ដែលកុមារជារឿយៗផឹកទឹកអំឡុងពេលអាកាសធាតុក្តៅ។ អ្នកដែលចូលរួមការលេងកីឡានានា គួរតែផឹកទឹកបន្ថែមមុននឹងការលេងកីឡាចាប់ផ្តើម។

ពួកគេក៏គួរតែផឹកទឹកក្នុងរយៈពេលមួយទៀងទាត់ (ប្រហែលរៀងរាល់ ២០ នាទីម្តង) អំឡុងពេលការធ្វើសកម្មភាពនានា និងក្រោយពីវាបានបញ្ចប់។ ការធ្វើលំហាត់ប្រាណ ឬការប្រកួតប្រជែងនានាគួរតែធ្វើនៅពេលព្រឹក ឬល្ងាច ដើម្បីជៀសវាងការលេងក្នុងពេលដ៏ក្តៅបំផុត។

ការស្រេកទឹកមិនមែនជាសញ្ញាដំបូងនៃការខ្វះជាតិទឹកនោះទេ។ នៅពេលដែលកុមារមានអារម្មណ៍ស្រេកទឹក គាត់អាចខ្វះជាតិទឹកបាត់ទៅហើយ៕