មានសៀវភៅជាច្រើនដែលពិភាក្សាអំពីផ្លូវភេទ និងជំងឺរ៉ាំរ៉ៃ។ អ្នកក៏អាចចូលរួមទៅក្នុងក្រុមនៃការគាំទ្រនានា ដើម្បីនិយាយអំពីជំងឺរបស់អ្នក។ ជាការពិត ការមានបញ្ហាសុខភាព ឬជំងឺរ៉ាំរ៉ៃប្រចាំកាយ ការរួមភេទអាចជារឿងពិបាក ហើយពេលខ្លះអាចបង្កគ្រោះថ្នាក់ដល់អ្នកទៀតផង។
(អាន:ថ្នាំងងុយគេង ពេលអ្នកគួរប្រើ)
ប្រសិនបើអ្នកមានបញ្ហាសុខភាពរ៉ាំរ៉ៃ ខាងក្រោមនេះអាចជួយអ្នកឲ្យរៀបចំខ្លួនរួចរាល់សម្រាប់សកម្មភាពផ្លូវភេទ ៖
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- សូមរៀបចំគម្រោងនៃការរួមភេទនៅពេលដែលអ្នកមានកម្លាំងបំផុត ហើយបញ្ហាសុខភាពផ្លូវភេទរបស់អ្នករំខានអ្នកតិចបំផុត
- សូមប្រាកដថា អ្នកបានសម្រាក និងបន្ធូរអារម្មណ៍បានគ្រប់គ្រាន់
- សូមចាំយ៉ាងហោចណាស់២ម៉ោង ក្រោយពីអ្នកបានញ៉ាំអាហារ
- ប្រសិនបើអ្នកត្រូវការប្រើថ្នាំបំបាត់ការឈឺចាប់ដើម្បីឲ្យមានអារម្មណ៍បានល្អប្រសើរបន្តិចនោះ សូមប្រើវា ៣០ នាទីមុននឹងរួមភេទ
- កំណត់បរិមាណនៃស្រាដែលអ្នកផឹក ហើយជៀសវាងប្រើថ្នាំជក់ ពីព្រោះស្រា និងថ្នាំជក់ (បារី) អាចប៉ះពាល់ដល់សុខភាពផ្លូវភេទ។
គន្លឹះខាងក្រោមនេះអាចជួយអ្នកក្នុងការថែរក្សាជីវិតផ្លូវភេទឲ្យស្រស់បំព្រង ៖
- កាន់ដៃ អោប និងប៉ះដៃគូររបស់អ្នក ទោះបីជាអ្នកមិនមានគម្រោងនៃការរួមភេទក៏ដោយ។
- ប្រើអារម្មណ៍ដើម្បីបង្កើតជីវិតផ្លូវភេទឲ្យបានរីករាយបន្ថែម។ ឧទាហរណ៍ រៀបចំគ្រែពូកឲ្យមានភាពទាក់ទង ពន្លឺស្រទន់ ឬមានចម្រៀងកំដរអារម្មណ៍។
- ប្រាប់ដៃគូរបស់អ្នកនូវអ្វីដែលអ្នកចូលចិត្ត និងអ្វីដែលមិនចូលចិត្ត។ ស្តាប់ពីការចូលចិត្ត និងការមិនចូលចិត្តរបស់ដៃគូអ្នកផងដែរ។
- ព្យាយាមទីតាំងនៃការរួមភេទផ្សេងៗគ្នា ដើម្បីរកមើលទីតាំងណាដែលល្អសម្រាប់អ្នក និងដៃគូរបស់អ្នក។
- សាកល្បងប្រើទឹករំអិល ដើម្បីជួយបន្ថយភាពឈឺនៅពេលដែលរួមភេទ៕