អត្ថប្រយោជន៍ចំពោះកូន

ទឹកដោះម្តាយមានសារជាតិចិញ្ចឹមគ្រប់ពីធម្មជាតិដែលកូនត្រូវការ។ សារជាតិចិញ្ចឹមនៅក្នុងទឹកដោះម្តាយ ក៏អាចប្រែប្រួលដើម្បីឆ្លើយតបទៅនឹងការប្រែប្រួលរាងកាយរបស់កុមារដែលត្រូវការផងដែរ។ ទឹកដោះម្តាយងាយរំលាយជាងទឹកដោះគោកំប៉ុង។ វាពោរពេញទៅដោយអង់ទីករដែលជួយការពារកុមារពីការឆ្លងមេរោគ។ បន្ថែមពីលើនេះទៅទៀត ការស្រាវជ្រាវបានបង្ហាញថា កុមារដែលបៅដោះម្តាយ អាចវាងវៃជាងកុមារដែលមិនបានបៅទឹកដោះម្តាយ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

កុមារដែលបៅដោះម្តាយហាក់ដូចជាមិនសូវកើតមានបញ្ហាដូចជា ៖

  • ការឆ្លងមេរោគនៅនឹងត្រចៀក តម្រងនោម ឬផ្លូវដង្ហើម
  • បញ្ហាស្បែក
  • ដង្កូវស៊ីធ្មេញ
  • រាគ ទល់លាមក ឬផោម
  • ជំងឺនៃពោះវៀន
  • ហឺត
  • អាលែកស៊ី
  • ធាត់
  • ជំងឺទឹកនោមផ្អែម
  • ជំងឺមហារីកឈាម
  • ស្លេកស្លាំង
  • ការគាំងបេះដូង និងជំងឺស្ទះសរសៃឈាមខួរក្បាលនៅពេលធំ។

អត្ថប្រយោជន៍សម្រាប់ស្ត្រីជាម្តាយ

(អាន:ថ្នាំងងុយគេង ពេលអ្នកគួរប្រើ)

ការបំបៅដោះជួយឲ្យស្បូនប្រែជារួមតូចទៅនឹងទំហំដែលមានមុននឹងមានផ្ទៃពោះ។ វាក៏អាចជួយអោយស្រកទម្ងន់ពីការមានផ្ទៃពោះដោយសារតែខ្លួនរបស់អ្នកដុតកាឡូរីដើម្បីផលិតទឹកដោះនោះ។ រដូវរបស់អ្នកនឹងមិនទាន់ត្រឡប់មកវិញនោះទេ (ប៉ុន្តែអ្នកមិនគួររាប់ថាការបំបៅដោះកូន គឺជាការពន្យារកំណើតនោះទេ)។ ម្តាយបំបៅដោះកូនក៏អាចមិនសូវស្ត្រេសដោយសារតែកូនរបស់អ្នកមិនសូវជាឈឺនោះទេ។

បន្ថែមពីលើនេះ ម្តាយដែលបំបៅដោះកូន អាចហាក់ដូចជាមិនសូវមាន ៖

  • ជំងឺទឹកនោមផ្អែមប្រភេទទី២
  • ជំងឺមហារីកសុដន់
  • ជំងឺមហារីកក្រពេញអូវែ
  • ភាពស្លេកស្លាំងដោយសារខ្វះជាតិដែក
  • ជំងឺធ្លាក់ទឹកចិត្តក្រោយពីមានផ្ទៃពោះ
  • ជំងឺពុកឆ្អឹង៕