ទម្លាប់នៃការគេងល្អ អាចជួយអ្នកឲ្យមានការគេងលក់ស្រួលនៅពេលយប់ ហើយជំនះពីរោគគេងមិនលក់។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ខាងក្រោមនេះ គឺជាមធ្យោបាយងាយៗ ដើម្បីជួយអ្នកឲ្យគេចចេញពីរោគគេងមិនលក់ ៖
(អាន:ថ្នាំងងុយគេង ពេលអ្នកគួរប្រើ)
- ព្យាយាមចូលគេងកក្នុងម៉ោងដូចៗគ្នាក្នុងមួយយប់ៗ ហើយភ្ញាក់ពីគេងក្នុងម៉ោងដូចៗគ្នាជារៀងរាល់ព្រឹក។ សូមកុំគេងថ្ងៃ ដោយសារតែការគេងថ្ងៃអាចធ្វើឲ្យអ្នកមិនសូវជាងុយគេងនៅពេលយប់។
- ជៀសវាងការផឹកកាហ្វេអ៊ីន នីកូទីន និងផឹកគ្រឿងស្រាវឹង។ កាហ្វេអ៊ីន និងនីកូទីន គឺជាអ្នកភ្ញោច ហើយអាចធ្វើឲ្យអ្នកមិនគេង។ ស្រាអាចបណ្តាលឲ្យភ្ញាក់នៅពេលយប់ និងរំខានដល់គុណភាពនៃការគេងរបស់អ្នក។
- ធ្វើលំហាត់ប្រាណជាទៀងទាត់។ សូមកុំព្យាយាមធ្វើលំហាត់ប្រាណនៅជិតពេលម៉ោងដែលត្រូវចូលគេង ដោយសារតែវាអាចភ្ញោចដល់អ្នក និងធ្វើឲ្យអ្នកពិបាកនឹងគេងលក់។ អ្នកឯកទេសបានបង្ហាញថា មិនឲ្យធ្វើលំហាត់ប្រាណយ៉ាងហោចណាស់ ៣ ទៅ ៤ ម៉ោងមុនម៉ោងដែលអ្នកចូលគេង។
- កុំញ៉ាំអាហារយឺតពេល។ ការញ៉ាំអាហារតិចៗមុនពេលចូលគេងអាចជួយអ្នកឲ្យគេងបាន។
- ធ្វើរៀបចំបន្ទប់គេងឲ្យមានផាសុកភាព។ សូមប្រាកដថា វាងងឹត ស្ងាត់ និងមិនត្រជាក់ពេក ឬក្តៅពេក។
- សូមអានសៀវភៅ ស្តាប់ចម្រៀង ឬត្រាំទឹកក្តៅឧណ្ណៗ ដើម្បីបន្ធូរអារម្មណ៍មុនចូលគេង។
- ជៀសវាងប្រើការគេងរបស់អ្នកក្នុងការធ្វើអ្វីផ្សេង។
- ប្រសិនបើអ្នកមិនអាចគេងលក់ ហើយមិនមានអារម្មណ៍ងុយគេងនោះ ក្រោកឡើង និងអាន ឬធ្វើអ្វីផ្សេងរហូតដល់អ្នកងងុយគេង៕