រោគសញ្ញានៃដុំសាច់ខួរក្បាលអាស្រ័យទៅលើទំហំ ប្រភេទ និងទីតាំងរបស់ដុំសាច់។ រោគសញ្ញាអាចត្រូវបានកើតមាន នៅពេលដែលដុំសាច់សង្កត់ទៅលើសរសៃវិញាណ ឬប៉ះពាល់ទៅផ្នែកណាមួយនៃខួរក្បាល។
(អាន:ថ្នាំងងុយគេង ពេលអ្នកគួរប្រើ)
ក៏ដូចគ្នាដែរ វាអាចកើតមាននៅពេលដុំសាច់រាំងស្ទះជាតិទឹកដែលរត់ជុំវិញខួរក្បាល ឬនៅពេលដែលខួរក្បាលហើម ដោយសារតែកើនឡើងជាតិទឹកនោះ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ខាងក្រោមនេះ គឺជារោគសញ្ញាទូទៅបំផុតនៃដុំសាច់ក្នុងខួរក្បាល ៖
- ឈឺក្បាល (ជាធម្មតាឈឺខ្លាំងនៅពេលព្រឹក)
- ក្អួត និងចង្អោរ
- ប្រែប្រួលគំហើញ ឬការស្តាប់
- បញ្ហានៃការដើរ ឬលំនឹង
- ផ្លាស់ប្តូរអារម្មណ៍ បុគ្គលិកលក្ខណៈ ឬពិបាកផ្ចង់អារម្មណ៍
- បញ្ហានៃការចងចាំ
- ញាក់សាច់ដុំ
- ស្ពឹកដៃ ឬជើង។
ជារឿយៗ រោគសញ្ញាទាំងនេះមិនត្រូវបានបង្កឡើងដោយតែដុំសាច់មួយមុខនោះទេ។ បញ្ហាសុខភាពដទៃទៀត ក៏អាចអោយមានរោគសញ្ញាទាំងនេះផងដែរ។ ប្រសិនបើអ្នកមានរោគសញ្ញាទាំងនេះ អ្នកគួរតែទៅជួបនឹងគ្រូពេទ្យ ដើម្បីឲ្យគាត់ធ្វើរោគវិនិច្ឆ័យ និងធ្វើការព្យាបាល៕
