តើអ្វីជាសញ្ញានៃការទល់លាមកចំពោះកុមារ? ហើយអ្វីដែលជាមធ្យោបាយដ៏ល្អបំផុតដើម្បីព្យាបាលបញ្ហានេះ?
(អាន:ថ្នាំងងុយគេង ពេលអ្នកគួរប្រើ)
ការបន្ទោរបង់ធម្មតារបស់កុមារ គឺមានការប្រែប្រួលអាស្រ័យលើអាយុ និងអ្វីដែលកុមារបានញ៉ាំ។ កុមារអាចនឹងមានការទល់លាមក ប្រសិនបើគេមានការពិបាកបន្ទោរបង់។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
គេក៏អាចលេចឡើងនូវការឈឺចាប់ នៅខណៈដែលគេប្រឹងបន្ទោរបង់ ឬក៏បន្ទោរបង់តិចដងជាងមុន។ កុមារដែលឈឺពោះពេលបន្ទោរបង់អាចនឹងអាចមានការចំកោងខ្នង ប្រឹងសាច់ដុំគូថ ឬយំ។
ប្រសិនបើទារកទើបនឹងកើតហាក់ដូចជាការទល់លាមក សូមទាក់ងវេជ្ជបណ្ឌិតសម្រាប់ការផ្តល់ដំបូន្មានមួយចំនួន។ យ៉ាងណាមិញ ការទល់លាមកជាញឹកញាប់កើតមានលើកុមារដែលចាប់ផ្តើមបរិភោគអាហារដែលរឹង។ បើកុមារដែលមានអាយុច្រើនហាក់ដូចជាមានការទលលាមក អ្នកអាចព្យាយាមការផ្លាស់ប្តូររបបអាហារតាមវិធីសាមញ្ញៗទាំងនេះ ៖
• ទឹក ឬទឹកផ្លែឈើ៖ ផ្តល់ឲ្យកូនរបស់អ្នកញ៉ាំទឹកឲ្យបានច្រើន។ ប្រសិនបើទឹកហាក់ដូចជាមិនអាចជួយបាន អ្នកអាចអោយគេញ៉ាំទឹកផ្លែប៉ោមស្រស់ ឬល្ហុងស្រស់ទៅលើអាហារដែលគេញ៉ាំជាធម្មតា។
• អាហារសម្រាប់កូនក្មេង ៖ ប្រសិនបើកូនរបស់អ្នកអាចញ៉ាំអាហាររឹងបាន ចូរព្យាយាមឲ្យគេញ៉ាំផ្លែឈើ និងបន្លែឲ្យបានច្រើន។
ប្រសិនបើកូនរបស់អ្នកកំពុងតែមានការលំបាកបន្ទោរបង់ ឬខានបន្ទោរយូរថ្ងៃមកហើយ គ្រូពេទ្យអាចណែនាំឲ្យអ្នកប្រើថ្នាំសុលគូថ។ ថ្នាំសុលអាចប្រើបានសម្រាប់តែម្តងម្កាលតែប៉ុណ្ណោះ ប្រសិនបើការផ្លាស់ប្តូររបបអាហារ គឺមិនមានប្រសិទ្ធភាព។
មានករណីកម្រមួយចំនួនការទល់លាមកលើកុមារត្រូវបានបង្កឡើងដោយស្ថានភាពជំងឺមួយចំនួន។ ប្រសិនបើការទល់លាមករបស់ទារកនៅតែបន្តកើតមាន បើទោះបីជាមានការផ្លាស់ប្តូររបបអាហារ ឬត្រូវអមដោយរោគសញ្ញាផ្សេងទៀតដូចជាក្អួត ឬការហូរឈាមតាមគូថ សូមទាក់ទងវេជ្ជបណ្ឌិតជាបន្ទាន់៕