ការគេងមមើរ មិនសូវជាជួបនោះទេចំពោះកុមារ តែជួបច្រើនចំពោះមនុស្សពេញវ័យ។ វាអាចកើតមាននៅក្នុងក្រុមគ្រួសារ ដូចនេះ ប្រសិនបើអ្នក ឬដៃគូររបស់អ្នក គឺជាអ្នកគេងមមើរ នោះកូនរបស់អ្នកក៏ប្រឈមមុខនឹងបញ្ហានេះផងដែរ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
កត្តាដទៃទៀតដែលអាចនាំឲ្យមានការគេងមមើររួមមាន ៖
- គេងមិនគ្រប់គ្រាន់ ឬអស់កម្លាំង
- គេងមិនទៀងទាត់
- មានជំងឺ ឬមានគ្រុនក្តៅ
- ការប្រើប្រាស់ថ្នាំមួយចំនួន
- ស្ត្រេស។
(អាន:ថ្នាំងងុយគេង ពេលអ្នកគួរប្រើ)
តើអ្នកមានអាកប្បកិរិយាបែបណាខ្លះ អំឡុងពេលគេងមមើរ?
ប្រាកដណាស់ ការក្រោកចេញពីគ្រែ និងដើរជុំវិញអំឡុងពេលគេងលក់នោះ គឺជារោគសញ្ញានៃការគេងមមើរជាក់ស្តែងបំផុត។ ប៉ុន្តែអ្នកគេងមមើរក៏អាចមាន ៖
- គេងនិយាយ
- មិនងាយក្រោកពីគេង
- ឆ្គងៗ
- មិនឆ្លើយទៅនឹងអ្វីដែលគេសួរ។
ភ្នែកទាំងគូនឹងបើក ប៉ុន្តែ ពួកគេមិនមើលឃើញអ្វីដូចដែលពួកគេបានឃើញ នៅពេលក្រោកពីគេងនោះទេ ហើយជារឿយៗ ពួកគេស្ថិតនៅក្នុងបន្ទប់ផ្សេង ឬកន្លែងផ្សេងៗ។
ជួនកាល លក្ខខណ្ឌដទៃទៀតខាងក្រោមនេះ អាចមានការផ្សារភ្ជាប់ជាមួយនឹងការមមើរផងដែរដែលមាន ៖
- គេងមិនដកដង្ហើម (អត់ដកដង្ហើមរយៈពេលខ្លី អំឡុងពេលគេង)
- នោមដាក់ខោ
- ភ្ញាក់ពីគេងស្លន់ស្លោរ៕
