ពងស្វាសបុរសភាគច្រើនមានទំហំប៉ុនគ្នា បើទោះបីជាអ្នកខ្លះមានទំហំធំជាងគ្នាបន្តិចក៏ដោយ។ វាក៏ជារឿងធម្មតាផងដែរសម្រាប់ពងស្វាសម្ខាងទាបជាងម្ខាងទៀត។

(អាន:ថ្នាំងងុយគេង ពេលអ្នកគួរប្រើ)

ពងស្វាស គឺមានសភាពរលោង ពេលយើងស្ទាបទៅដោយគ្មានដុំពក ឬរឹងណាមួយនោះទេ។ ប៉ុន្តែ អ្នកអាចស្ទាបប៉ះបំពង់ទន់ៗមួយនៅពីខាងក្រោយនៃពងស្វាស។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ពងស្វាស គឺជាសរីរាង្គមានរាងពងក្រពើពីរ។ ពួកវាគឺស្ថិតនៅក្នុងស្រោមស្បែកដែលនៅពីខាងក្រោមលិង្គ។ ពងស្វាស គឺជាផ្នែកមួយនៃប្រព័ន្ធបន្តពូជរបស់បុរស។ ពួកវាមាននាទីផលិតមេជីវិតឈ្មោល និងអ័រម៉ូនភេទ testosterone។

វាជាការសំខាន់សម្រាប់បុរសក្នុងការពិនិត្យពងស្វាសឲ្យបានទៀងទាត់ប្រហែលម្តងក្នុងមួយខែសម្រាប់រកដុំពក ឬការហើមណាមួយដែលមិនប្រក្រតីដោយតខ្លួនឯង។ ការដឹងពីភាពធម្មតារបស់ពងស្វាសអាចនឹងជួយអ្នកឲ្យកត់សម្គាល់ពីការផ្លាស់ប្តូរណាមួយបាន។

ដុំពកភាគច្រើនបំផុតនៅក្នុងពងស្វាស គឺគ្មានការបង្កគ្រោះថ្នាក់នោះទេ។ ទោះជាយ៉ាងណានៅក្នុងករណីដ៏កម្រណាមួយដុំពកអាចជាសញ្ញានៃជំងឺមហារីក។ ជំងឺមហារីកពងស្វាសជាទូទៅកើតលើបុរសវ័យក្មេង និងអាចព្យាបាលបានដោយជោគជ័យ ប្រសិនបើគេធ្វើរោគវិនិច្ឆ័យបានទាន់ពេល។

ពេលវេលាដ៏ល្អបំផុតក្នុងការពិនិត្យពងស្វាសដោយខ្លួនឯង គឺបន្ទាប់ពីការងូតទឹក ឬទឹកក្តៅឧណ្ឌៗដែលជាពេលដែលសាច់ដុំក្នុងថង់ពងស្វាសរលា។ ដាក់ពង់ស្វាសលើបាតដៃរបស់អ្នក ហើយប្រើម្រាមដៃ និងមេដៃស្ទាបថ្នមៗលើពងស្វាសនីមួយៗ។

ប្រសិនបើអ្នកស្ទាបប៉ះដុំពក ឬមានកាហើមណាមួយនៅក្នុងពងស្វាស ឬសម្គាល់មានការផ្លាស់ប្តូរណាមួយនៃរូបរាង ឬទំហំនៃពងស្វាសរបស់អ្នក សូមទៅជួនគ្រូពេទ្យឲ្យបានឆាប់តាមដែលអាចធ្វើបាន៕