វិធីដ៏ល្អបំផុត ដើម្បីព្យាបាលបញ្ហាមាត់ស្ងួត

វិធីដ៏ល្អបំផុត ដើម្បីព្យាបាលបញ្ហាមាត់ស្ងួត គឺអាស្រ័យលើអ្វីដែលបណ្តាលឲ្យកើតមានវា។ អ្នកអាចធ្វើរឿងមួយចំនួនដើម្បីបំបាត់បញ្ហាមាត់ស្ងួតជាបណ្តោះអាសន្នសិនបាន។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ប៉ុន្តែសម្រាប់ការព្យាបាលការស្ងួតមាត់ក្នុងរយៈពេលវែងដ៏ល្អបំផុត អ្នកត្រូវដោះស្រាយមូលហេតុរបស់វា។

ដើម្បីបំបាត់បញ្ហាមាត់ស្ងួតរបស់អ្នក អ្នកគួរតែ ៖

(អាន:ថ្នាំងងុយគេង ពេលអ្នកគួរប្រើ)

• ទំពាស្ករកៅស៊ូដែលមិនមានជាតិស្ករ ឬបៀមស្ករគ្រាប់ដែលមិនមានជាតិស្ករ ដើម្បីជំរុញអោយមានការបញ្ចេញទឹកមាត់។ ចំពោះមនុស្សមួយចំនួនជាញឹកញាប់ស្ករគ្រាប់ ឬស្ករកៅស៊ូទាំងនេះអាចបណ្តាលឲ្យរាគ ឬឈឺពោះ ប្រសិនបើប្រើក្នុងបរិមាណច្រើន។
• កំណត់ការទទួលទានកាហ្វេ ដោយសារតែជាតិកាហ្វេអ៊ីនអាចធ្វើឲ្យមាត់របស់អ្នកស្ងួតបាន
• ចូរកុំប្រើទឹកខ្ពុរមាត់ដែលមានជាតិអាល់កុល ព្រោះពួកវាក៏អាចធ្វើឲ្យស្ងួតមាត់ផងដែរ
• បញ្ឈប់ការប្រើប្រាស់ថ្នាំជក់ ប្រសិនបើអ្នកជក់បារី ឬចុកថ្នាំជក់
• ញ៉ាំទឹកឲ្យបានទៀងទាត់
• ប្រើទឹកខ្ពុរមាត់ដែលបានផលិតឡើងសម្រាប់អ្នកដែលមានមាត់ស្ងួត
• ដកដង្ហើមតាមច្រមុះ ហាមដកដង្ហើមតាមមាត់
• បន្ថែមសំណើមនៅពេលយប់ដោយប្រើម៉ាស៊ីនផ្តល់សំណើមនៅក្នុងបន្ទប់
• ប្រើថ្នាំដុសធ្មេញដែលមានសារធាតុហ្លូអូរាយ៕