គ្រុនចាញ់ គឺជាជំងឺមួយដែលបណ្តាលមកពីប៉ារ៉ាស៊ិត ដែលត្រូវបានចម្លងដោយការខាំរបស់សត្វមូសដែលមានមេរោគនេះ។ ជំងឺគ្រុនចាញ់ធ្វើឲ្យមានការញាក់ និងគ្រុនក្តៅ។
(អាន:ថ្នាំងងុយគេង ពេលអ្នកគួរប្រើ)
ជំងឺគ្រុនចាញ់សម្លាប់មនុស្សប្រមាណជាមួយលាននាក់ជារៀងរាល់ឆ្នាំនៅទូទាំងពិភពលោក។ ជំងឺគ្រុនចាញ់អាចមានគ្រោះថ្នាក់ដល់ជីវិត ជាពិសេសនៅផ្នែកត្រូពិចនៃទ្វីបអាហ្រ្វិក។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
មជ្ឈមណ្ឌលត្រួតពិនិត្យ និងបង្ការជំងឺបានប៉ាន់ប្រមាណថាមានប្រមាណជា៩០ភាគរយនៃការស្លាប់នៃជំងឺគ្រុនចាញ់ទាំងអស់កើតមានឡើងនៅក្នុងទ្វីបអាហ្រ្វិក ដែលភាគច្រើននៅលើកុមារដែលមានអាយុក្រោម៥ឆ្នាំ។
ក្នុងករណីជាច្រើន ការស្លាប់ គឺទាក់ទងទៅនឹងជំងឺគ្រុនចាញ់ គឺដោយសារតែផលវិបាកធ្ងន់ធ្ងរដូចមាននៅខាងក្រោមនេះ៖
• ផលប៉ះពាល់ដល់ខួរក្បាល៖ ប្រសិនបើប៉ារ៉ាស៊ិតនៅក្នុងកោសិកាឈាមធ្វើឲ្យមានការស្ទះសរសៃឈាមតូចៗនៅក្នុងខួរក្បាល ការហើមខួរក្បាល ឬការខូចខាតខួរក្បាលអាចនឹងកើតមានឡើង។
• បញ្ហាដកដង្ហើម៖ ការប្រមូលផ្តុំនៃសារធាតុរាវនៅក្នុងសួតអាចជាមូលហេតុធ្វើឲ្យពិបាកក្នុងការដកដង្ហើម។
• ការខ្សោយសរីរាង្គ៖ ជំងឺគ្រុនចាញ់អាចបណ្តាលឲ្យតម្រងនោម ឬថ្លើមរបស់អ្នកមិនអាចដំណើរការបាន ឬអាចធ្វើឲ្យបែកអណ្តើកផងដែរ។
• ភាពស្លេកស្លាំងធ្ងន់ធ្ងរ៖ វាអាចធ្វើឲ្យខូចខាតកោសិកាឈាមក្រហមដែលអាចបណ្តាលឲ្យមានភាពស្លេកស្លាំងធ្ងន់ធ្ងរ៕