ក្អកមកមានឈាម អាចត្រូវបានបង្កឡើងដោយលក្ខខណ្ឌសុខភាពសួតខុសៗគ្នា។ ក្អកមកមានឈាមអាចមានទម្រង់ផ្សេងៗគ្នា។
(អាន:ថ្នាំងងុយគេង ពេលអ្នកគួរប្រើ)
ឈាមនោះអាចមានពណ៌ក្រហមស្រស់ ឬវាអាចនឹងត្រូវបានលាយគ្នាជាមួយស្លេស។ ការក្អកមកមានឈាម សូម្បីតែក្នុងបរិមាណតិចតូច ក៏អាចជាការភ្ញាក់ផ្ងើល។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ទោះជាយ៉ាងណា ការក្អកមកមានឈាមបន្តិចបន្តួច គឺមិនមែនជារឿងចម្លែកនោះទេហើយជាធម្មតាក៏មិនធ្ងន់ធ្ងរនោះទេ។ ក្អកមកមានឈាមសំដៅទៅលើការក្អកឡើង ឈាមមកពីផ្នែកខ្លះនៃសួត (ផ្លូវដង្ហើម)។ ឈាមអាចមកពីកន្លែងផ្សេងគ្នា ដូចជាក្រពះដែលអាចនឹងច្រឡំនឹងការក្អកមកមានឈាម។
វាជាការសំខាន់សម្រាប់វេជ្ជបណ្ឌិតរបស់អ្នក ដើម្បីកំណត់កន្លែងនៃការហូរឈាម ហើយបន្ទាប់មកកំណត់ពីមូលហេតុដែលអ្នកកំពុងតែក្អកមកមានឈាមនេះ។ មូលហេតុចម្បងនៃការក្អកមកមានឈាម គឺជំងឺរលាកទងសួតរ៉ាំរ៉ៃ ឬជំងឺកំពិតសួត។
មូលហេតុផ្សេងទៀតអាចនាំឲ្យមានក្អកឈាមអាចរួមមានជំងឺស្ទះសួតរ៉ាំរ៉ៃ ជំងឺក្រិនសួត ការប្រើប្រាស់សារធាតុញៀនដូចជាកូកាអ៊ីន ជំងឺមានខ្យល់ក្នុងសាច់សួត ការស្ទះដោយសារសារធាតុពីខាងក្រៅ បូសសួត ជំងឺមហារីកសួត ជំងឺប្រឺសបេះដូង ការឆ្លងមេរោគប៉ារ៉ាស៊ីត ជំងឺរលាកសួត មានកំណកឈាមក្នុងសួត មានការរងរបួស ឬគ្រោះថ្នាក់លើទ្រូង និងជំងឺរបេង។
សូមទាក់ទងទៅវេជ្ជបណ្ឌិតរបស់អ្នក ប្រសិនបើអ្នកកំពុងតែក្អកមកមានឈាម។ គាត់អាចកំណត់បានថាតើមូលហេតុនោះគឺតិចតូច ឬក៏ធ្ងន់ធ្ងរ។ ហៅទូរស័ព្ទទៅរថយន្តសង្គ្រោះបន្ទាន់ ប្រសិនបើអ្នកកំពុងតែក្អកមានឈាមមកច្រើន ឬប្រសិនបើការក្អកមកឈាមមិនឈប់សោះ៕