បញ្ហាដែលបាក់តេរីមានការស៊ាំនឹងថ្នាំផ្សះត្រូវបានកើនមានឡើងនៅទូទាំងពិភពលោក។ មានកត្តាជាច្រើនដែលអាចជាមូលហេតុដែលក្នុងនោះរួមមានដូចជាការប្រើប្រាស់ថ្នាំផ្សះដោយគ្មានភាពច្បាស់លាស់ឲ្យចំជាមួយនឹងមេរោគ ការប្រើប្រាស់ថ្នាំផ្សះដោយគ្មានវេជ្ជបញ្ជា និងការប្រើប្រាស់ថ្នាំខុស ឬខកខានញ៉ាំថ្នាំជាដើម។
(អាន:ថ្នាំងងុយគេង ពេលអ្នកគួរប្រើ)
បច្ចុប្បន្ននេះ ក្រុមគ្រូពេទ្យមានក្តីបារម្ភយ៉ាងខ្លាំង ពីព្រោះតែថ្នាំមិនសូវមានប្រសិទ្ធិភាពក្នុងការព្យាបាលការឆ្លងមេរោគ។ បាក់តេរីពពួកខ្លះដែលមិនងាយនឹងព្យាបាលឲ្យជាបាននោះទេ ព្រោះថ្នាំផ្សះមួយចំនួនបានស៊ាំ ហើយលែងមានប្រសិទ្ធភាព។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
មានបាក់តេរីជាច្រើនដែលមានសមត្ថភាពក្នុងការផ្លាស់ប្តូរការឆ្លើយតបរបស់ពួកវាទៅនឹងថ្នាំផ្សះ។ ប្រសិនបើបាក់តេរីទាំងនេះនៅតែអាចរស់បានបន្ទាប់ពីបានប៉ះពាល់ទៅនឹងថ្នាំផ្សះជាក់លាក់ណាមួយហើយនោះ ពួកវានឹងបង្កើនចំនួនកូនចៅហើយនៅទីបំផុតប្រភេទថ្មីនៃបាក់តេរីនេះនឹងទៅជំនួសឲ្យពពួកបាតេរីចាស់ៗដែលទន់ខ្សោយ។ បន្ទាប់មក ថ្នាំផ្សះដែលកាន់តែខ្លាំងនឹងត្រូវការប្រើជាចាំបាច់។
ចូរគាំទ្រដល់ការលុបបំបាត់នៃការប្រើថ្នាំផ្សះដោយមិនចាំបាច់។ ប្រសិនបើអ្នកមានជំងឺផ្តាសាយ នោះអ្នកមិនត្រូវការការប្រើប្រាស់ថ្នាំផ្សះនោះទេ។ អ្នកមិនគួរប្រើដោយខ្លួនឯង ឬប្រើតាមនរណាម្នាក់ផ្សេងទៀតនោះទេ។ ប្រសិនបើអ្នកត្រូវបានចេញវេជ្ជបញ្ជាឲ្យប្រើថ្នាំផ្សះអ្នកគួរតែប្រើវាឲ្យបានពេញលេញ និងមិនទុកវាសម្រាប់ការប្រើប្រាស់នៅពេលក្រោយទៀតនោះទេ៕
