ប្រតិកម្មអាលែកស៊ីនឹងទឹកដោះគោ គឺជាការឆ្លើយតបខុសប្រក្រតីដោយប្រព័ន្ធភាពស៊ាំរាងកាយទៅនឹងទឹកដោះគោ និងផលិតផលដែលមានផ្ទុកទឹកដោះគោ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ទឹកដោះគោស្រស់ គឺជាមូលហេតុនៃការអាលែកស៊ី ប៉ុន្តែទឹកដោះចៀម ពពែ និងក្របីក៏អាចបណ្តាលឲ្យមានប្រតិកម្មផងដែរ។ កុមារមួយចំនួនដែលមានអាលែកស៊ីទៅនឹងទឹកដោះគោក៏អាចមានប្រតិកម្មទៅនឹងទឹកសណ្តែកផងដែរ។
(អាន:ថ្នាំងងុយគេង ពេលអ្នកគួរប្រើ)
ប្រតិកម្មអាលែកស៊ីទឹកដោះគោ គឺជាផ្នែកមួយការអាលែកស៊ីចំណីអាហារ ដែលកើតមានទូទៅបំផុតចំពោះកុមារ។
ប្រតិកម្មអាលែកស៊ីនឹងទឹកដោះគោ ជាធម្មតាកើតឡើងពីនាទីទីម៉ោងបន្ទាប់ពីការប្រើប្រាស់ទឹកដោះគោ។ រោគសញ្ញានៃប្រតិកម្មអាលែកស៊ីទឹកដោះគោអាចមានពីស្រាលទៅធ្ងន់ធ្ងរ និងអាចរួមបញ្ចូលទាំងការដកដង្ហើមតឹង ក្អួត ឡើងកន្ទួលក្រហមលើស្បែក និងបញ្ហាក្នុងការរំលាយអាហារ។
ជាករណីកម្រដែលប្រតិកម្មអាលែកស៊ីទឹកដោះគោអាចធ្វើឲ្យមានសភាពធ្ងន់ធ្ងរដែលអាចគំរាមកំហែងដល់អាយុជីវិត។
មានកត្តាមួយចំនួនដែលអាចបង្កើនហានិភ័យនៃការវិវត្តទៅជាប្រតិកម្មអាលែកស៊ីទឹកនឹងដោះគោដែលក្នុងនោះរួមមាន៖
• អាលែកស៊ីទៅនឹងអាហារផ្សេងៗ
• កុមារដែលមានការរលាកស្បែករ៉ាំរ៉ៃអាចទំនងនឹងមានការវិវត្តនៃប្រតិកម្មអាលែកស៊ី
• ហានិភ័យនៃប្រតិកម្មអាលែកស៊ីអាហាររបស់មនុស្សម្នាក់អាចកើនឡើង ប្រសិនបើទាំងឪពុក និងម្តាយ ឬតែម្នាក់ក្នុងចំនោមឪពុកម្តាយមានប្រតិកម្មអាលែកស៊ីនឹងអាហារ ឬប្រភេទផ្សេងទៀត
• អាយុ៖ ប្រតិកម្មអាឡែហ្ស៊ីនឹងទឹកដោះគោគឺជារឿងធម្មតាមួយនៅលើកុមារ។ នៅពេលដែលអ្នកបានធំឡើងប្រព័ន្ធរំលាយអាហាររបស់អ្នកមានភាពចាស់ទុំហើយរាងកាយរបស់អ្នកក៏មិនសូវមានប្រតិកម្មទៅនឹងទឹកដោះគោផងដែរ៕