ឈាមដែលត្រូវបានប្រើសម្រាប់បញ្ចូលនៅសហរដ្ឋអាមេរិក គឺមានសុវត្ថភាព និងជាទូទៅមិនមានជំងឺអ្វីទាំងអស់។ ឈាមដែលត្រូវបានគេផ្តល់ ត្រូវបានធ្វើតេស្តដោយប្រុងប្រយ័ត្ន។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
វាពិតជាកម្រនឹងមានជំងឺតាមការបញ្ចូលឈាមណាស់។
ការទទួលប្រភេទឈាមខុសដោយចៃដន្យ គឺជាហានិភ័យចំបងចំពោះការបញ្ចូលឈាម ប៉ុន្តែវាកម្រនឹងកើតមានណាស់។ សម្រាប់រាល់១លានប្លោកនៃឈាមដែលត្រូវបានបញ្ចូល ការទទួលប្រភេទឈាមខុសបានកើតមាន៤ដង។
(អាន:ថ្នាំងងុយគេង ពេលអ្នកគួរប្រើ)
ការបញ្ចូលឈាមជាមួយនឹងប្រភេទឈាមខុសបណ្តាលឲ្យមានប្រតិកម្មធ្ងន់ធ្ងរ ដែលអាចគម្រាមកំហែងដល់អាយុជីវិតបាន។
មនុស្សមួយចំនួនស្តុកឈាមផ្ទាល់ខ្លួនរបស់ពួកគេពីរ ឬបីសប្តាហ៍មុននឹងពួកគេមានការវះកាត់។ ប្រសិនបើពួកគេត្រូវការការបញ្ចូលឈាមអំឡុងពេលវះកាត់ ពួកគេអាចទទួលឈាមរបស់ពួកគេបាន។ នេះបន្ថយហានិភ័យនៃជំងឺ និងប្រតិកម្មនៃការបញ្ចូលឈាមពីឈាមរបស់អ្នកបរិច្ចាក។
ប្រសិនបើអ្នកមានការបញ្ចូលឈាមច្រើន អ្នកអាចហាក់ដូចជាងាយនឹងមានបញ្ហាពីប្រតិកម្មនៃប្រព័ន្ធភាពស៊ាំ។ ប្រតិកម្មបណ្តាលឲ្យខ្លួនរបស់អ្នកបង្កអង់ទីករដែលវាយប្រហារនឹងកោសិកាគ្រាប់ឈាមថ្មីរបស់អ្នក។ ប៉ុន្តែការធ្វើតេស្តអាចជួយចៀសវាងបញ្ហានេះបាន។ មុននឹងអ្នកទទួលការបញ្ចូលឈាម ឈាមរបស់អ្នកត្រូវបានធ្វើតេស្ត ដើម្បីមើលពីប្រភេទឈាមរបស់អ្នក។ ហើយឈាមដែលអ្នកនឹងទទួលក្នុងការបញ្ចូលនោះ ត្រូវបានធ្វើតេស្ត ដើម្បីប្រាកដថាវាត្រូវជាមួយនឹងឈាមរបស់អ្នក។
អ្នកអាចមាប្រតិកម្មអាលែកស៊ីកម្រិតស្រាល ទោះបីជាអ្នកបានទទួលប្រភេទឈាមត្រឹមត្រូវក៏ដោយ។ រោគសញ្ញានៃប្រតិម្មនោះរួមមាន ៖
- គ្រុនក្តៅ
- ចេញអុចៗនៅលើស្បែក
- ឈឺ
- ដកដង្ហើមខ្លីៗ
- ចង្វាក់បេះដូងលោតញាប់
- ញាក់
- សម្ពាធឈាមចុះ។
ប្រតិកម្មកម្រិតស្រាល អាចជារឿងមួយគួរឲ្យខ្លាច ប៉ុន្តែវាកម្រនឹងគ្រោះថ្នាក់ណាស់ប្រសិនបើវាត្រូវបានព្យាបាលភ្លាមៗ៕
