ជាធម្មតា អ្នកដែលមានគ្រួសក្នុងតម្រងនោម ប្រាកដជាមិនបានដឹងថា ពួកគេមានបញ្ហានេះឡើយ រហូតដល់គ្រួសធ្វើចលនានៅក្នុងតម្រងនោម ឬចេញមកក្រៅ។

(អាន:ថ្នាំងងុយគេង ពេលអ្នកគួរប្រើ)

គ្រួសតូចអាចចេញតាមបំពង់បង្ហូរទឹកនោមមកក្រៅ និងមិនអាចបណ្តាលឲ្យមានបញ្ហាអ្វីទាំងអស់។ ប៉ុន្តែ គ្រួសធំអាចធ្វើឲ្យស្ទះដល់ផ្លូវនៃទឹកនោម ជាហេតុបណ្តាលឲ្យមានរោគសញ្ញាដូចខាងក្រោម ៖

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

  • ឈឺដូចគេចាក់ ដែលចាប់ផ្តើមនៅចង្កេះ
  • ឈឺរាលដាលទៅផ្នែកខាងក្រោមនៃពោះ និងក្រលៀន នៅពេលដែលដុំគ្រួសធ្វើដំណើរឆ្លងកាត់ប្រព័ន្ធបង្ហូរទឹកនោម
  • នោមចេញឈាម
  • ចង្អោរ និងក្អួត
  • ចង់នោមជារឿយៗ ឬភ្លាមៗ
  • គ្រុនក្តៅ ឬញាក់។

ប្រសិនបើគ្រួសធំពេក វាអាចបណ្តាលឲ្យស្ទះ ដែលបង្កអោយមានជំងឺមួយដែលគេហៅថា hydronephrosis។ ជំងឺនេះកើតមាននៅពេលដែលតម្រងនោមម្ខាងហើម ដោយសារការចាល់ទឹកនោមទៅក្នុងតម្រងនោម។

អ្នកដែលមានជំងឺនេះអាចមានអារម្មណ៍ឈឺចង្កេះ ឬឈឺពោះខ្លាំង។ ការថតកាំរស្មីអ៊ិច ធ្វើអេកូសាស្រ្ត ឬស្កេន អាចបញ្ចាក់ថា អ្នកមាន ឬគ្មានជំងឺនេះ។

បើមិនបានព្យាបាលនោះទេ វាអាចបណ្តាលឲ្យខូចតម្រងនោមតែម្តង។

ក្នុងករណីអ្នកមានអារម្មណ៍ឈឺនៅខាងក្នុង ឃើញមានឈាមនៅក្នុងទឹកនោម ឬមានរោគសញ្ញាដទៃទៀតនៃជំងឺគ្រួសក្នុងតម្រងនោមដូចការរៀបរាប់ខាងលើ សូមធ្វើការណាត់ជួបជាមួយគ្រូពេទ្យឲ្យបានឆាប់៕