ការមានឈាមកកនៅក្នុងខួរក្បាលកើតឡើងនៅពេលដែលសរសៃឈាមនៅក្នុងខួរក្បាលត្រូវបានបែកធ្លាយនៅក្នុងខួរក្បាល ឬនៅចន្លោះរវាងឆ្អឹងក្បាល និងខួរក្បាល។
(អាន:ថ្នាំងងុយគេង ពេលអ្នកគួរប្រើ)
ការកកផ្តុំគ្នានៃឈាម អាចសង្កត់ទៅលើជាលិកាខួរក្បាលរបស់អ្នក។ រោគសញ្ញានៃការមានឈាមកកនៅក្នុងខួរក្បាលអាចបញ្ជាក់ឲ្យដឹងភ្លាមៗ បន្ទាប់ពីការប៉ះទង្កិចទៅលើក្បាល ឬអាចប្រើពេលវេលាច្រើនសប្តាហ៍ ឬយូរជាងនេះ ដើម្បីបង្ហាញឡើងនូវរោគសញ្ញា។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ទោះជាយ៉ាងណា ជាមួយនឹងពេលវេលា ការមានសម្ពាធទៅលើខួរក្បាលរបស់អ្នកកើនឡើងធ្វើឲ្យមានរោគសញ្ញាមួយចំនួន ឬទាំងអស់ដូចខាងក្រោមនេះ ៖
• ឈឺក្បាលខ្លាំងឡើងៗ
• ក្អួត
• ស្ទើរសន្លប់ និងការវិវត្តនៃការបាត់បង់ស្មារតី
• វិលមុខ
• ភាន់ច្រឡំ
• ប្រស្រីភ្នែករីកមិនស្មើគ្នា
• ខ្សោយអវៈយៈវៈមួយចំហៀងនៃរាងកាយ
• លើសសម្ពាធឈាម។
ពេលដែលឈាមកាន់តែច្រើនទៅៗបំពេញក្នុងខួរក្បាល ឬមានទំហំតូចចង្អៀតរវាងខួរក្បាល និងឆ្អឹងក្បាល រោគសញ្ញាផ្សេងទៀតអាចក្លាយទៅជាលេចឡើងច្បាស់ឡើងៗដូចជា៖
• សន្លឹម
• ប្រកាច់
• សន្លប់បាត់ស្មារតី។
ចូរស្វែងរកការព្យាបាលជាបន្ទាន់បន្ទាប់ពីមានការប៉ះទង្កិចលើក្បាល ដែលក្នុងនោះបើមាន ៖
• ការសន្លប់បាត់បង់ស្មារតី
• អ្នកធ្លាបមានរោគសញ្ញាណាមួយដែលអាចបង្ហាញជាសញ្ញានៃការមានឈាមកកនៅក្នុងខួរក្បាល
បើទោះបីជារោគសញ្ញានៃការមានឈាមកកនៅក្នុងខួរក្បាលប្រហែលជាមិនអាចលេចឡើងច្បាស់ភ្លាមៗ សូមពិនិត្យមើលយ៉ាងដិតដល់សម្រាប់ការផ្លាស់ប្តូរក្នុងរាងកាយ និងអារម្មណ៍ជាបន្តបន្ទាប់៕